.png){kind=small}
தொழில்நுட்ப பிரியர்கள் பெரிதும் எதிர்பார்த்த இந்த புதிய மிவி ஒன் 5ஜி ஸ்மார்ட்போன் முதல் முறையாக நாளை (அக்டோபர் 8) மதியம் 12 மணி முதல் பிளிப்கார்ட் தளத்தில் நேரடி விற்பனைக்கு வருகிறது. அறிமுக சலுகைகளுடன் இந்த போனின் விற்பனை விலை, வேரியண்ட்கள் மற்றும் முழு சிறப்பம்சங்களை இப்போது விரிவாகப் பார்க்கலாம்.
Mivi One 5G Price
மிவி ஒன் 5ஜி விலை விவரங்கள்: சந்தையில் மூன்று வெவ்வேறு மெமரி வேரியண்ட்களில் இந்த புதிய Mivi One 5G போன் விற்பனைக்குக் கிடைக்கிறது. இதன் ஆரம்ப மாடலான 4GB ரேம் + 128GB ஸ்டோரேஜ் மாடலின் விலை ரூ.12,999 என நிர்ணயிக்கப்பட்டுள்ளது. அதேபோல் இதன் 6GB ரேம் + 128GB ஸ்டோரேஜ் வேரியண்ட் ரூ.14,999 விலையிலும், டாப் எண்ட் மாடலான 8GB ரேம் + 128GB ஸ்டோரேஜ் வேரியண்ட் ரூ.16,499 விலையிலும் வாங்கக் கிடைக்கும்.
அறிமுக சலுகையாக, தேர்வு செய்யப்பட்ட வங்கி கார்டுகளைப் பயன்படுத்தி இந்த Mivi One 5G போனை வாங்கும் வாடிக்கையாளர்களுக்கு உடனடி ரூ.1,000 தள்ளுபடி (Bank Discount) வழங்கப்படுகிறது. இதன் மூலம் தொடக்க வேரியண்ட்டை வெறும் ரூ.11,999 என்ற அட்டகாசமான ஆஃபர் விலையிலேயே வாடிக்கையாளர்கள் சொந்தமாக்கிக் கொள்ள முடியும்.
இதையும் படியுங்கள்: Vivo X Fold 6: களமிறங்கியது புது விவோ 5ஜி போன்! என்ன விலை?
Mivi One 5G Specifications
மிவி ஒன் 5ஜி அம்சங்கள்: சிறந்த செயல்திறனை வழங்கும் நோக்கில், இந்த பட்ஜெட் விலையிலேயே குவால்காம் ஸ்னாப்டிராகன் 4 ஜென் 2 (Qualcomm Snapdragon 4 Gen 2) 5G சிப்செட் இந்த போனில் பொருத்தப்பட்டுள்ளது. மேலும் தடையற்ற அன்றாட பயன்பாடு மற்றும் கேமிங் பிரியர்களைக் கவரும் வகையில் இதில் அட்ரினோ ஜிபியு (Adreno GPU) கிராபிக்ஸ் கார்டு ஆதரவும் கொடுக்கப்பட்டுள்ளது.
காட்சி அமைப்பில் 6.75-இன்ச் எச்டி பிளஸ் எல்சிடி டிஸ்பிளே (6.75-inch HD+ LCD Display) இந்த மிவி ஒன் 5ஜி போனில் இடம்பெற்றுள்ளது. இந்த திரையானது 1600 × 720 பிக்சல்கள் தெளிவுத்திறன், வெயிலிலும் தெளிவாகப் பார்க்க உதவும் 1250 நிட்ஸ் பிரைட்னஸ் (1250 nits Peak Brightness) மற்றும் தொடுதிரை அசைவுகளை மிக மென்மையாக்கும் 120Hz ரெஃப்ரெஷ் ரேட் (120Hz Refresh Rate) வசதிகளைக் கொண்டுள்ளது.
இதையும் படியுங்கள்: OpenAI Text Watermark: AI எழுத்துக்களை ஈஸியா கண்டுபிடிக்கலாம்! OpenAI-ன் புதிய வாட்டர்மார்க் முறை!
Mivi One 5G Camera
மிவி ஒன் 5ஜி கேமரா: புகைப்படங்களுக்காக இதில் 50MP பிரதான மெயின் கேமரா (50MP Primary Camera) கொண்ட டூயல் ரியர் கேமரா அமைப்பு (Dual Rear Camera) வழங்கப்பட்டுள்ளது. இதன் மூலம் தெளிவான புகைப்படங்கள் மற்றும் வீடியோக்களை எடுக்க முடியும். அதேபோல் முன்பக்கத்தில் உயர்தர செல்பிக்கள் மற்றும் வீடியோ கால்களுக்காக 8MP செல்பி கேமரா (8MP Selfie Camera) மற்றும் எல்இடி பிளாஷ் (LED Flash) வசதிகளும் சேர்க்கப்பட்டுள்ளன.
மெமரி வசதியைப் பொறுத்தவரை 4GB, 6GB மற்றும் 8GB ரேம் வசதிகளுடன் 128GB இன்டெர்னல் ஸ்டோரேஜ் (Internal Storage) ஆதரவு இதில் உள்ளது. அத்துடன் கூடுதல் மெமரி தேவைப்படும் பயனர்களுக்காக மெமரி கார்டை இணைக்க மைக்ரோ எஸ்டி கார்டு ஸ்லாட் (MicroSD Card Slot) வசதியும் இந்த Mivi One 5G போனில் கொடுக்கப்பட்டுள்ளது.
Mivi One 5G Battery
மிவி ஒன் 5ஜி பேட்டரி: இந்த போனில் நீண்ட நேரம் உழைக்கும் சக்திவாய்ந்த 6000mAh பேட்டரி (6000mAh Battery) இடம்பெற்றுள்ளது. இதனால் நாள் முழுவதும் சார்ஜ் பற்றிய பயமின்றி பயனர்கள் தாராளமாகப் பயன்படுத்தலாம். மேலும் இந்த பேட்டரியை வேகமாக சார்ஜ் செய்ய 18W பாஸ்ட் சார்ஜிங் (18W Fast Charging) ஆதரவும் இதில் வழங்கப்பட்டுள்ளது.
சாப்ட்வேர் வசதியில் ஆண்ட்ராய்டு 16 இயங்குதளத்துடன் (Android 16) இந்த Mivi One 5G சாதனம் இயங்குகிறது. மேலும் இதற்கு ஆண்ட்ராய்டு 18 வரை அடுத்த இரண்டு பெரிய ஆண்ட்ராய்டு ஓஎஸ் அப்டேட்கள் (Android OS Updates) மற்றும் வழக்கமான பாதுகாப்பு அப்டேட்களும் கிடைக்கும். கைரேகையை உடனடியாக அடையாளம் காணும் பக்கவாட்டு கைரேகை சென்சார் (Side-Mounted Fingerprint Sensor) வசதியுடன் 5G நெட்வொர்க், வைஃபை, ப்ளூடூத் 5.1 மற்றும் யுஎஸ்பி டைப்-சி போர்ட் (USB Type-C) போன்ற கனெக்டிவிட்டி ஆதரவுகளும் இதில் நிறைந்துள்ளன. கிரீன், டார்க் ப்ளூ, ப்ளூ, பர்கண்டி மற்றும் பிங்க் ஆகிய ஐந்து அட்டகாசமான நிறங்களில் இந்த Mivi One 5G மாடல் விற்பனைக்கு வருகிறது.
