.png){kind=small}
Battery Drain: பண்டிகைக் கால ஆஃபர்களில் ஆசை ஆசையாகப் புதிய ஸ்மார்ட்போனை வாங்கிவிட்டு, அதன் பேட்டரி மிக வேகமாகத் தீர்ந்துபோவதைக் கண்டு பலர் ஏமாற்றம் அடைகின்றனர். முதல் சில நாட்களிலேயே சார்ஜ் மளமளவெனக் குறைவதோடு, போன் அதிகம் சூடாவதாகவும் பயனர்கள் தொடர்ந்து புகார் தெரிவிக்கின்றனர்.
பொதுவாக ஒரு புதிய மொபைலை முதன்முறையாக அமைக்கும்போது, பின்னணியில் பழைய தகவல்கள் பதிவிறக்கம் ஆவது (Cloud Syncing), ஆப்கள் இன்ஸ்டால் செய்யப்படுவது மற்றும் மென்பொருளின் கற்றல் செயல்முறை போன்ற பணிகளால் பேட்டரி அதிகளவில் செலவாகிறது. இந்தச் சிக்கலைச் சுலபமாகத் தவிர்த்து, உங்கள் சாதனத்தின் பேட்டரி ஆயுளை நீட்டிக்க உதவும் சிறந்த வழிமுறைகளை இப்போது விரிவாகப் பார்க்கலாம்.
Battery Drain Reasons
பேட்டரி பிரச்சனைக்கான காரணங்கள் (Battery Drain Reasons): புதிய போனை ஆன் செய்த முதல் 24 முதல் 48 மணி நேரத்திற்குள், ஆப் டேட்டா உள்ளீடுகள் மற்றும் சிஸ்டம் ஃபைல் தொகுப்புகள் பின்னணியில் தொடர்ந்து இயங்கிக் கொண்டிருக்கும். மேலும் 5G நெட்வொர்க் சிக்னல் குறைவாக உள்ள பகுதிகளில் இருக்கும்போது, சிக்னலைத் தேடுவதற்காக மொபைல் மோடம் கூடுதல் சக்தியை உறிஞ்சுகிறது. இத்தகைய காரணங்களால் தொடக்கத்தில் சார்ஜ் வழக்கத்தை விட விரைவாகக் குறைகிறது.
Battery Setup Tips
பேட்டரி செட்டிங்ஸ் மாற்றங்கள் (Battery Setup Tips): போனில் சார்ஜ் வீணாகாமல் தடுக்க, டிஸ்பிளே அமைப்பில் உள்ள அடாப்டிவ் பிரைட்னஸ் (Adaptive Brightness) வசதியை ஆன் செய்து, ஸ்கிரீன் டைம்-அவுட் நேரத்தை 30 வினாடிகளாகக் குறைக்க வேண்டும். மேலும் கைபேசியில் எல்இடி திரை இருந்தால் டார்க் மோட் (Dark Mode) பயன்படுத்துவது மின்சார நுகர்வை வெகுவாகக் கட்டுப்படுத்தும்.
அதேபோல் அடிக்கடி பயன்படுத்தாத ஆப்களின் பின்னணி செயல்பாடுகளை முடக்க ஆப் மேனேஜ்மென்ட் (App Management) பகுதிக்குச் சென்று 'Restrict Background Activity' என்பதைத் தேர்ந்தெடுக்க வேண்டும். மேலும் ஜிபிஎஸ் (GPS), புளூடூத் மற்றும் வைஃபை ஸ்கேனிங் போன்ற அமைப்புகளைத் தேவையில்லாத நேரங்களில் ஆஃப் செய்து வைப்பது மிகச் சிறந்த பலனைத் தரும்.
இதையும் படியுங்கள்: Jio vs Airtel Hotstar Plans: கிரிக்கெட் சீசனுக்கு பெஸ்ட் ரீசார்ஜ் எது?
Phone Charging Tips
முறையான சார்ஜிங் வழிமுறைகள் (Phone Charging Tips): புதிய போன்களில் பேட்டரி ஆயுளைக் காக்க 20% முதல் 80% வரை மட்டுமே சார்ஜ் செய்யும் முறையைப் பின்பற்றுவது சிறந்தது. பேட்டரி சார்ஜ் 0% வரை முழுமையாகத் தீரும் வரை காத்திருக்கக் கூடாது; அதேபோல் இரவு முழுவதும் போனைத் தொடர்ச்சியாக சார்ஜரில் மாட்டி வைப்பதையும் (Overnight Charging) தவிர்க்க வேண்டும்.
சார்ஜ் செய்யும் போது போனின் தடிமனான பேக் கவரை கழற்றி வைப்பது வெப்பத்தைக் குறைக்கும். மேலும் நிறுவனத்தின் அசல் சார்ஜர் மற்றும் கேபிள்களை மட்டுமே பயன்படுத்த வேண்டும்; அதிக வெப்பமான சூழலிலோ அல்லது நேரடி சூரிய ஒளியிலோ போனை வைத்து சார்ஜ் செய்யக் கூடாது.
இதையும் படியுங்கள்: JioHotstar-ல் விளம்பரம் வராமல் படம் பார்க்க புது ட்ரிக்! எப்படி தெரியுமா?
5G Network Settings
நெட்வொர்க் செட்டிங்ஸ் உத்திகள் (5G Network Settings): உங்கள் பகுதியில் 5G கவரேஜ் பலவீனமாக இருந்தால், போன் தொடர்ந்து 5G சிக்னலைத் தேடிக் கொண்டே இருப்பதால் சார்ஜ் அதிகளவில் விரயமாகும். அத்தகைய சூழலில் 'Preferred Network Type' அமைப்பில் சென்று '5G/4G Auto' அல்லது தற்காலிகமாக 4G நெட்வொர்க்கைத் தேர்வு செய்து கொள்ளலாம். இது நெட்வொர்க் மோடத்தின் சுமையைக் குறைத்து நாள் முழுவதும் போனின் பேட்டரி நிலைத்து நிற்கப் பேருதவி புரியும்.
