Smartwatch-ஐ மொபைலுடன் இணைப்பது எப்படி? (Android & iPhone Guide)

நீங்கள் ஆசை ஆசையாக ஒரு ஸ்மார்ட் வாட்ச் வாங்கியிருப்பீர்கள். ஆனால், அதில் வரும் வாட்ஸ்அப் மெசேஜ், கால் நோட்டிபிகேஷன் போன்றவை மொபைலில் இருந்து வாட்சுக்கு வரவில்லை என்றால் என்ன பயன்?

பெரும்பாலானோர் செய்யும் தவறு என்னவென்றால், வாட்சை ஆன் செய்ததும் நேரடியாக மொபைல் ப்ளூடூத் செட்டிங்ஸில் போய் கனெக்ட் செய்துவிடுவார்கள். ஆனால், அப்படிச் செய்யக்கூடாது!

உங்கள் ஸ்மார்ட் வாட்சை (Noise, boAt, Fire-Boltt என எதுவாக இருந்தாலும்) ஆண்ட்ராய்டு அல்லது ஐபோனுடன் சரியாக இணைப்பது எப்படி? இதோ முழு விவரம்.

ஸ்டெப் 1: சரியான ஆப் (App) டவுன்லோட் செய்யுங்கள்

ஒவ்வொரு பிராண்ட் வாட்சுக்கும் ஒரு தனி ஆப் உள்ளது. வாட்ச் பெட்டியிலேயே (Box) ஒரு QR Code இருக்கும். அதை ஸ்கேன் செய்தாலே ஆப் கிடைத்துவிடும். அல்லது Play Store-ல் தேடலாம்:

• Noise: NoiseFit App
• boAt: boAt Wearables / boAt Crest
• Fire-Boltt: Da Fit (பெரும்பாலான பட்ஜெட் வாட்சுகளுக்கு இந்த ஆப் தான் பயன்படும்).

ஸ்டெப் 2: ப்ளூடூத் மற்றும் லொகேஷன் ஆன் செய்யவும்

ஆப்பை இன்ஸ்டால் செய்த பிறகு, உங்கள் மொபைலில் Bluetooth மற்றும் Location (GPS) இரண்டையும் ஆன் செய்து வையுங்கள். (லொகேஷன் ஆன் செய்தால்தான் வாட்ச் வேகமாக கனெக்ட் ஆகும்).

ஸ்டெப் 3: ஆப் மூலம் இணைப்பது எப்படி?

1. நீங்கள் டவுன்லோட் செய்த ஆப்பை (உதா: NoiseFit) ஓபன் செய்யவும்.
2. உங்கள் விபரங்களை (பெயர், உயரம், எடை) கொடுத்த பிறகு, "Add Device" அல்லது "Pair Device" என்று ஒரு ஆப்ஷன் இருக்கும்.
3. அதை கிளிக் செய்தால், அருகில் உள்ள உங்கள் வாட்ச் பெயர் திரையில் தெரியும்.
4. அதை கிளிக் செய்தவுடன், வாட்சில் ஒரு "Pair Request" வரும். அதில் Tik (✅) குறியை அழுத்தவும்.
5. அவ்வளவுதான்! இப்போது உங்கள் வாட்ச் கனெக்ட் ஆகிவிட்டது.

ஸ்டெப் 4: ப்ளூடூத் காலிங் (முக்கியமானது!)

இதுதான் பலரும் மிஸ் செய்யும் இடம். வாட்ச் கனெக்ட் ஆன பிறகும் போன் பேச முடியவில்லை என்றால் இதைச் செய்யுங்கள்:

• வாட்சில் "BT Calling" அல்லது போன் ஐகான் ஆன் செய்யப்பட்டுள்ளதா எனப் பார்க்கவும்.
• இப்போது மொபைல் Bluetooth செட்டிங்ஸ் செல்லவும்.
• அங்கே "Watch Call" அல்லது "Audio_BT" என்று தனியாக ஒரு பெயர் காட்டும். அதையும் கிளிக் செய்து கனெக்ட் செய்யவும்.
• இப்போதுதான் உங்களால் வாட்சில் போன் பேச முடியும்.

பிரச்சனை வருகிறதா? (Troubleshooting)

• கனெக்ட் ஆகவில்லையா? வாட்சை ஒருமுறை Reset செய்துவிட்டு முயற்சிக்கவும்.
• மெசேஜ் வரவில்லையா? ஆப் செட்டிங்ஸில் "Notifications" பகுதிக்குச் சென்று WhatsApp, SMS ஆகியவற்றை Enable செய்ய வேண்டும்.