Apple Siri iOS 27: சீரி சாட்டிங் ஹிஸ்டரி இனி தானாகவே அழியும்

Apple Siri Privacy Upgrade என்ற பெயரில் ஐபோன் பயனர்களின் தரவுப் பாதுகாப்பை உறுதி செய்ய ஆப்பிள் நிறுவனம் ஒரு மாபெரும் புதிய அப்டேட்டைச் சோதனை செய்து வருகிறது." தற்போதைய காலகட்டத்தில் சாட்ஜிபிடி மற்றும் கூகுள் ஜெமினி போன்ற ஏஐ சாட்பாட்டுகளைப் பயன்படுத்தும் போது, நமது தனிப்பட்ட உரையாடல்கள் அனைத்தும் அந்த நிறுவனங்களின் சர்வர்களில் சேமிக்கப்பட்டு ஏஐ பயிற்சிக்கு பயன்படுத்தப்படுகின்றன. இதனால் பயனர்களின் ரகசியங்கள் கசியும் அபாயம் உள்ளது. இந்த பிரச்சினைக்கு முற்றுப்புள்ளி வைக்க, ஆப்பிள் நிறுவனம் வரவிருக்கும் அதன் புதிய ஐஓஎஸ் 27 அப்டேட்டில் ஒரு அதிரடி மாற்றத்தைக் கொண்டு வரவுள்ளது.

Apple Siri Privacy Upgrade Incoming

ஆப்பிள் சீரி பிரைவசி அப்கிரேடு இன்கமிங்: இந்த புதிய பாதுகாப்பு அம்சம், சீரி குரல் உதவியாளருடன் வாடிக்கையாளர்கள் செய்யும் சாட்டிங் விபரங்களை ஒரு குறிப்பிட்ட காலத்திற்குப் பிறகு தானாகவே அழிக்கும் திறன் கொண்டது. ப்ளூம்பெர்க் செய்தி நிறுவனத்தின் மார்க் குர்மன் வெளியிட்டுள்ள நம்பகமான தகவல்களின்படி, ஆப்பிள் நிறுவனம் இந்த புதிய ஆட்டோ சாட் டெலிஷன் வசதியை ஐஓஎஸ் 27 சோதனை பதிப்புகளில் ஏற்கனவே சோதித்து வருகிறது. இது ஐபோன் பயனர்களின் தனிப்பட்ட தரவுகளுக்கு மிக உயர்தர பாதுகாப்பை வழங்கும் என எதிர்பார்க்கப்படுகிறது.

நுகர்வோரின் தனியுரிமைக்கு எப்போதும் கொடுக்கும் ஆப்பிள் நிறுவனம், இந்த அம்சத்தை தங்களின் மெசேஜஸ் ஆப்பில் உள்ள காலாவதி விதியைப் போன்றே வடிவமைத்துள்ளது. இதன்படி பயனர்கள் தங்களது சீரி செட்டிங்ஸ் பகுதிக்குச் சென்று, தங்களின் உரையாடல்களை 30 நாட்களுக்குப் பிறகு அல்லது ஒரு வருடத்திற்குப் பிறகு தானாகவே அழியும்படி அமைத்துக் கொள்ளலாம். அல்லது தங்களுக்குத் தேவைப்பட்டால் அந்தத் தரவுகளை நிரந்தரமாகச் சேமித்து வைக்கும் ஆப்ஷனையும் ஆப்பிள் வழங்கவுள்ளது.

இதுவும் படியுங்கள்: ChatGPT Images 2.0: ஓபன்ஏஐ நிறுவனத்தின் அடுத்த புரட்சி! ஒரே கிளிக்கில் நிஜமான புகைப்படங்களை உருவாக்கும் புதிய ஏஐ தொழில்நுட்பம்!

Siri Auto Chat Deletion Features

சீரி ஆட்டோ சாட் டெலிஷன் ஃபீச்சர்ஸ்: இந்த பிரத்தியேக வசதி, சந்தையில் உள்ள மற்ற ஏஐ சாட்பாட்டுகளுக்குக் கடுமையான சவாலாக அமையப் போகிறது. தற்போதுள்ள பெரும்பாலான சாட்பாட்டுகளில் தற்காலிகமாகப் பேசக்கூடிய இன்காக்னிட்டோ வசதி மட்டுமே ஆப்ஷனலாக உள்ளது. ஆனால் ஆப்பிள் நிறுவனம், பயனர்கள் கேட்காமலேயே இந்த ஆட்டோ-டெலிட் அம்சத்தை சிஸ்டத்தின் இயல்புநிலை அமைப்பாகவே கொண்டு வரத் திட்டமிட்டுள்ளது.

மேலும், ஆப்பிள் நிறுவனம் தனது புதிய சீரி செயலியை ஒரு முழுமையான சாட்பாட் வடிவில் தனியாக அறிமுகம் செய்யவுள்ளது. பயனர்கள் இந்த செயலியைத் திறக்கும்போது, பழைய சாட்டிங் விபரங்கள் அடங்கிய கட்டமைப்புடன் திறக்க வேண்டுமா அல்லது புதிய பக்கத்துடன் தொடங்க வேண்டுமா என்பதையும் தங்களின் விருப்பப்படி மாற்றிக் கொள்ளலாம். கூகுளின் ஜெமினி ஏஐ மாடல்களின் உதவியுடன் இந்த புதிய சீரி இயங்கினாலும், தரவுகள் அனைத்தும் ஆப்பிளின் சொந்த பிரைவேட் கிளவுட் கம்ப்யூட் சர்வர்கள் மூலமாகவே நிர்வகிக்கப்படும் என்பதால் கூகுள் நிறுவனத்தால் உங்கள் தரவுகளைப் பார்க்க முடியாது.

இதுவும் படியுங்கள்: Gemini Omni Flash: இனி சாதாரண தமிழ்ல சொன்னா போதும்! வீடியோ எடிட்டிங் செய்ய கூகுளின் புதிய ஏஐ தொழில்நுட்பம்!

iOS 27 Release Timeline

ஐஓஎஸ் 27 ரிலீஸ் டைம்லைன்: இந்த மாபெரும் சீரி ஓவர்ஹால் அப்டேட்டின் வெளியீட்டு விபரங்கள் குறித்துப் பார்க்கும்போது, ஆப்பிள் நிறுவனம் இதனை ஜூன் மாதம் நடைபெறவுள்ள டபிள்யூடபிள்யூடிசி மாநாட்டில் அதிகாரப்பூர்வமாக அறிவிக்கவுள்ளது. இருப்பினும், இந்த புதிய சீரி வசதிகள் அனைத்தும் ஆரம்பத்தில் பீட்டா லேபிளுடன் மட்டுமே பயனர்களுக்குச் சோதனை செய்ய வழங்கப்படும். அதன் பிறகு, செப்டம்பர் மாதம் வெளியாகவுள்ள ஐபோன் 18 ப்ரோ சீரிஸ் மொபைல்களுடன் பொதுப் பயன்பாட்டிற்கு வரும் எனத் தெரிகிறது. இது குறித்த கூடுதல் விபரங்களை Apple Official தளத்தில் நீங்கள் வரும் நாட்களில் சரிபார்க்கலாம்.