Jio, Airtel, Vi-ல் யார் அதிக டேட்டா தர்றாங்க? புது கணக்கு!

இந்தியாவின் மூன்று முன்னணி தனியார் டெலிகாம் நிறுவனங்களான பார்தி ஏர்டெல் (Bharti Airtel), ரிலையன்ஸ் ஜியோ (Reliance Jio) மற்றும் வோடபோன் ஐடியா (Vodafone Idea) ஆகியவை தங்களின் 2026-27 நிதியாண்டின் இரண்டாம் காலாண்டு (Q2FY27) செயல்பாட்டு ரிப்போர்ட்டை அதிகாரப்பூர்வமாக வெளியிட்டுள்ளன. செப்டம்பர் 30, 2026 உடன் முடிவடைந்த இந்த மூன்று மாதங்களில், வாடிக்கையாளர்கள் அதிக அளவில் மொபைல் டேட்டாவை யூஸ் செய்திருப்பதுடன் நிறுவனங்களின் வருமானமும் கணிசமாக உயர்ந்துள்ளது. இதனாலேயே ஏர்டெல் ஜியோ விஐ டேட்டா யூசேஜ் (Airtel Jio Vi Data Usage) மற்றும் வருமானக் கணக்கைத் தெரிந்து கொள்ள வேண்டி இருக்கிறது.

குறிப்பாக, நவம்பர் 12 அன்று தனது காலாண்டு நிதி முடிவுகளை வெளியிட்ட வோடபோன் ஐடியா நிறுவனம், தனது மொத்த வாடிக்கையாளர் எண்ணிக்கை முந்தைய காலாண்டில் (Q1FY27) இருந்த 19.31 கோடியில் இருந்து 19.44 கோடியாக உயர்ந்துள்ளதாக அறிவித்துள்ளது. அதேபோல, அதன் போஸ்ட்பெய்ட் யூசர்கள் (Postpaid Subscribers) எண்ணிக்கை 3.19 கோடியில் இருந்து 3.39 கோடியாக உயர்ந்து, கடந்த ஒன்பது காலாண்டுகளில் இல்லாத மிகப்பெரிய வளர்ச்சியைப் பதிவு செய்துள்ளது.

அந்த வகையில் வாடிக்கையாளர்கள் ஒரு மாதத்திற்குச் சராசரியாக எவ்வளவு ஜிபி டேட்டா யூஸ் செய்கிறார்கள், 5ஜி நெட்வொர்க் வளர்ச்சி மற்றும் ஒரு வாடிக்கையாளர் மூலம் கிடைக்கும் சராசரி வருமானம் ஆகியவற்றில் மூன்று நிறுவனங்களுக்கும் இடையே கடும் போட்டி நிலவுகிறது. முதலில் பார்தி ஏர்டெல் மற்றும் ரிலையன்ஸ் ஜியோ நிறுவனங்களின் டேட்டா யூசேஜ் மற்றும் வருமான விவரங்களை விரிவாகப் பார்க்கலாம்.

ஏர்டெல் மற்றும் ஜியோ டேட்டா யூசேஜ் (Airtel and Jio Data Usage)

பார்தி ஏர்டெல் நிறுவனத்தைப் பொறுத்தவரையில், ஒரு வாடிக்கையாளர் மாதத்திற்குச் சராசரியாக 36.5 ஜிபி மொபைல் டேட்டாவை (Monthly Data Usage) யூஸ் செய்கிறார், அதாவது தினமும் சுமார் 1.22 ஜிபி டேட்டா செலவாகிறது. மேலும், ஒரு வாடிக்கையாளர் மூலம் கிடைக்கும் சராசரி வருமானமான ஏஆர்பியு (ARPU - Average Revenue Per User) முந்தைய காலாண்டில் இருந்த ரூ.264-ல் இருந்து ரூ.271 ஆக உயர்ந்து, டெலிகாம் துறையிலேயே ஏர்டெல் நிறுவனம் தொடர்ந்து முதலிடத்தைப் பிடித்துள்ளது. இந்த மூன்று மாதங்களில் மட்டும் ஏர்டெல் வாடிக்கையாளர்கள் மொத்தமாக 33,358 மில்லியன் ஜிபி டேட்டாவை யூஸ் செய்துள்ளனர்.

மறுபுறம், ரிலையன்ஸ் ஜியோ வாடிக்கையாளர்கள் மாதத்திற்குச் சராசரியாக 44.2 ஜிபி டேட்டாவை (தினமும் சுமார் 1.47 ஜிபி) யூஸ் செய்து டேட்டா அளவில் முதலிடத்தில் உள்ளனர். ஜியோவின் ஏஆர்பியு முந்தைய காலாண்டில் இருந்த ரூ.215.6-ல் இருந்து ரூ.218.8 ஆக உயர்ந்துள்ளதுடன், மொத்த நெட்வொர்க் டேட்டா அளவு 71.3 பில்லியன் ஜிபியை எட்டியுள்ளது. குறிப்பாக, செப்டம்பர் 2026 நிலவரப்படி ஜியோவின் 5ஜி யூசர்கள் (5G Subscribers) எண்ணிக்கை 30 கோடியாக உயர்ந்துள்ளதுடன், கடந்த 12 மாதங்களில் மட்டும் 6.6 கோடி புதிய 5ஜி யூசர்கள் இணைந்துள்ளனர். தற்போது ஜியோவின் மொத்த டேட்டா போக்குவரத்தில் 56 சதவீதம் 5ஜி நெட்வொர்க் மூலமாகவே நடைபெறுகிறது.

Image credit: telecomtalk

வோடபோன் ஐடியா டேட்டா மற்றும் வளர்ச்சி (Vodafone Idea Data Usage & Growth)

அடுத்ததாக, வோடபோன் ஐடியா (Vi) நிறுவனத்தின் 4ஜி மற்றும் 5ஜி வாடிக்கையாளர்கள் மாதத்திற்குச் சராசரியாக 23 ஜிபி டேட்டாவை (தினமும் சுமார் 767 எம்பி) யூஸ் செய்கின்றனர். நிறுவனத்தின் ஒட்டுமொத்த ஏஆர்பியு முந்தைய காலாண்டில் இருந்த ரூ.177-ல் இருந்து ரூ.178 ஆகவும், வாடிக்கையாளர் ஏஆர்பியு ஆண்டுக்கு ஆண்டு 9.7 சதவீதம் உயர்ந்து ரூ.198 ஆகவும் அதிகரித்துள்ளது. மேலும், விஐ நெட்வொர்க்கில் தினசரி யூஸ் செய்யப்படும் டேட்டா அளவு ஆண்டுக்கு ஆண்டு 27.1 சதவீதம் உயர்ந்து 73.6 பெட்டாபைட்டில் (PB/Day) இருந்து 93.6 பெட்டாபைட்டாக அதிகரித்துள்ளது.

அத்துடன், நிறுவனத்தின் 4ஜி மற்றும் 5ஜி யூசர்கள் எண்ணிக்கை கடந்த ஆண்டு இருந்த 12.78 கோடியில் இருந்து இப்போது 13.10 கோடியாக உயர்ந்துள்ளது. நெட்வொர்க் விரிவாக்கம் மற்றும் வாடிக்கையாளர் அனுபவத்தை மேம்படுத்த ரூ.13,200 கோடிக்கு மேல் முதலீட்டு ஆர்டர்கள் வழங்கப்பட்டு, அதில் சுமார் ரூ.6,000 கோடி மதிப்பிலான பணிகள் ஏற்கனவே நிறைவடைந்துள்ளதாக விஐ சிஇஓ அபிஜித் கிஷோர் தெரிவித்துள்ளார். கூடுதல் நிதி திரட்டும் பணிகள் முன்னேற்றத்தில் உள்ளதால், அடுத்தகட்ட நெட்வொர்க் விரிவாக்கமும் வேகமாக நடைபெறும் என அவர் நம்பிக்கை தெரிவித்துள்ளார்.

இதுபோக, இலவச சர்வதேச ரோமிங் (Free International Roaming) மற்றும் ஃபேமிலி ப்ரீபெய்ட் பிளான்கள் (Family Prepaid Plans) போன்ற புதிய சலுகைகளும் வாடிக்கையாளர்களிடம் நல்ல வரவேற்பைப் பெற்றுள்ளன. ஆகவே, Airtel Jio Vi Data Usage ரிப்போர்ட்டின்படி, கட்டண உயர்வு இல்லாமலேயே மக்கள் அதிக அளவில் டேட்டா மற்றும் 5ஜி சேவையை யூஸ் செய்யத் தொடங்கி இருப்பது தெரிகிறது. வரும் நாட்களில் மூன்று நிறுவனங்களும் தங்களின் 5ஜி சேவையை மேலும் விரிவுபடுத்த உள்ளதால் இந்த வளர்ச்சி இன்னும் அதிகரிக்கும் என எதிர்பார்க்கப்படுகிறது.

Source