ரூ.3900 கோடி பணமழை! ரூ.1000 கோடி தியாகம்! இந்திய ஸ்டார்ட்-அப் உலகின் இரு துருவங்கள்!

PhonePe Founders Sell Stake vs Zomato CEO Resignation: இந்திய டெக் உலகில் ஒரே நேரத்தில் இரண்டு மிகப்பெரிய சம்பவங்கள் நடந்துள்ளன. ஒன்று பணமழை, மற்றொன்று பதவி விலகல். இதன் முழு விவரங்கள் இதோ.

ரூ.3900 கோடி பணமழை! ரூ.1000 கோடி தியாகம்! இந்திய ஸ்டார்ட்-அப் உலகின் இரு துருவங்கள்!

இந்தியாவின் இரண்டு மிகப்பெரிய யூனிகார்ன் (Unicorn) நிறுவனங்களான PhonePe மற்றும் Zomato (இப்போது Eternal) ஆகியவற்றில் நடந்த அதிரடி மாற்றங்கள் முதலீட்டாளர்களைத் திரும்பிப் பார்க்க வைத்துள்ளன.

PhonePe: ஐபிஓ-க்கு முன் அடித்த ஜாக்பாட்!

PhonePe நிறுவனம் விரைவில் பங்குச்சந்தையில் நுழைய (IPO) தயாராகி வருகிறது. இதற்கு முன்னதாக அதன் நிறுவனர்கள் செய்துள்ள ஒரு காரியம் இப்போது வெளிச்சத்திற்கு வந்துள்ளது.

• என்ன நடந்தது? PhonePe-வின் நிறுவனர்களான சமீர் நிகாம் (Sameer Nigam) மற்றும் ராகுல் சாரி (Rahul Chari) ஆகியோர் தங்கள் வசம் இருந்த பங்குகளை விற்று சுமார் $430 மில்லியன் (இந்திய மதிப்பில் ₹3,937 கோடி) பணத்தை எடுத்துள்ளனர்.
• யார் வாங்கியது? இந்த பங்குகளை அமெரிக்காவைச் சேர்ந்த General Atlantic என்ற நிறுவனம் வாங்கியுள்ளது. இதன் மூலம் PhonePe-வில் அவர்களின் முதலீடு $1.15 பில்லியனாக உயர்ந்துள்ளது.
• IPO பிளான் என்ன? PhonePe நிறுவனம் சுமார் $15 பில்லியன் (₹1.2 லட்சம் கோடி) மதிப்பீட்டில் ஐபிஓ-க்கு வரத் திட்டமிட்டுள்ளது. இதில் பழைய முதலீட்டாளர்களான Microsoft மற்றும் Tiger Global முழுமையாக வெளியேறவும், Walmart தொடர்ந்து மிகப்பெரிய பங்குதாரராகத் தொடரவும் முடிவு செய்துள்ளன.
• நிதி நிலைமை: கடந்த 6 மாதங்களில் PhonePe வருமானம் 22% உயர்ந்து ₹3,918 கோடியை எட்டியுள்ளது. ஆனால், செலவுகள் அதிகரித்ததால் நஷ்டமும் ₹1,444 கோடியாக உயர்ந்துள்ளது.

இதையும் படியுங்கள்: ரூ.1500 கையில் இருக்கா? அவசரப்பட்டு Boat வாங்காதீங்க! Realme-யின் இந்த புது மாடல் வேற லெவல்!

Zomato (Eternal): ரூ.1000 கோடியை தூக்கியெறிந்த தீபிந்தர் கோயல்!

இன்னொரு பக்கம், Zomato மற்றும் Blinkit-ன் தாய் நிறுவனமான Eternal-ல் ஒரு சென்டிமென்ட் சம்பவம் நடந்துள்ளது.

• பதவி விலகல்: Zomato நிறுவனர் தீபிந்தர் கோயல் (Deepinder Goyal), Eternal நிறுவனத்தின் CEO பதவியிலிருந்து விலகுவதாக அறிவித்துள்ளார். இனி அவர் Vice-Chairman ஆக செயல்படுவார்.
• ரூ.1000 கோடி தியாகம்: தான் பதவி விலகுவதால், தனக்குச் சொந்தமான ESOPs (பணியாளர் பங்குத் தேர்வுகள்) அனைத்தையும் நிறுவனத்திற்கே திரும்பக் கொடுத்துவிட்டார். இதன் மதிப்பு சுமார் ₹900 முதல் ₹1,000 கோடி இருக்கும் எனக் கூறப்படுகிறது!.
• அடுத்து என்ன? "ஏன் இந்த முடிவு?" எனக் கேட்டதற்கு, "நான் இனி விண்வெளி (Aerospace) மற்றும் நீண்ட ஆயுள் (Longevity) சார்ந்த புதிய துறைகளில் கவனம் செலுத்தப்போகிறேன். அதற்கு அதிக ரிஸ்க் எடுக்க வேண்டி இருக்கும்," என்று அவர் கூறியுள்ளார்.
• புதிய பாஸ் யார்? Blinkit-ன் சிஇஓ அல்பைந்தர் திண்ட்சா (Albinder Dhindsa) இனி Eternal நிறுவனத்தின் புதிய சிஇஓ-வாக செயல்படுவார். (உலகின் இரு துருவங்கள்.!)

டெக் உலகில் நடக்கும் மற்றொரு புரட்சி பற்றி தெரியுமா? 👉 சத்யா நாதெல்லா சொன்ன ஷாக் நியூஸ்! 2026-ல் AI ஏஜென்ட்கள் என்ன செய்யும்?

இது பாசிட்டிவ்வா? நெகட்டிவ்வா? 🤔

📊 Tech Voice Tamil கருத்து:

PhonePe: நிறுவனர்கள் பங்குகளை விற்பது ("Secondary Sale") ஐபிஓ-க்கு முன் நடக்கும் சகஜமான ஒன்றுதான். இது நிறுவனத்தின் மதிப்பை (Valuation) உறுதிப்படுத்துகிறது.

Zomato: தீபிந்தர் கோயல் விலகுவது முதலீட்டாளர்களுக்குச் சற்று அதிர்ச்சியைத் தரலாம் (பங்குகள் 2.6% சரிந்தன). ஆனால், அவர் புதிய துறைகளில் கவனம் செலுத்தப்போவது இந்தியாவின் டெக் எதிர்காலத்திற்கு நல்லது. Blinkit தலைவரிடம் பொறுப்பு ஒப்படைக்கப்பட்டிருப்பது நிறுவனத்திற்குப் பாதுகாப்பானதே.