சர்வீஸ் சென்டர் போகாதீங்க! உங்க ஸ்பீக்கர் ரிப்பேர் ஆகல! சியோமி வெளியிட்ட அதிர்ச்சி ரிப்போர்ட்!

சியோமி (Xiaomi), ரெட்மி (Redmi) மற்றும் போக்கோ (POCO) போன் வைத்திருப்பவர்களுக்கு ஒரு முக்கியமான எச்சரிக்கை செய்தி. சமீபத்தில் வெளியான HyperOS 3 (Android 16) அப்டேட்டை இன்ஸ்டால் செய்த பிறகு, சில போன்களில் ஆடியோ வேலை செய்வதில்லை என்ற புகார் எழுந்துள்ளது.

பாடல்களுக்கு சத்தம் வரவில்லை, போன் பேசும்போது எதிரில் இருப்பவர் பேசுவது கேட்கவில்லை எனப் பயனர்கள் புலம்பித் தள்ளுகின்றனர். இந்த பிரச்சனையை சியோமி நிறுவனமும் அதிகாரப்பூர்வமாக ஏற்றுக்கொண்டுள்ளது. எந்தெந்த மாடல்களில் இந்த பிரச்சனை உள்ளது? இதோ முழு விபரம்.

என்ன பிரச்சனை? (The "Total Silence" Bug) 🔇

ஜனவரி 2026-ல் வெளியான HyperOS Weekly Bug Report-ல் சியோமி இந்தத் தகவலை வெளியிட்டுள்ளது.

1. No Speaker Output: யூடியூப் வீடியோ அல்லது மியூசிக் பிளேயரில் பாட்டு போட்டால் ஸ்பீக்கரில் சத்தம் வருவது இல்லை.
2. Silent Calls: யாருக்காவது போன் செய்தால், அவர்கள் பேசுவது நமக்குக் கேட்பதில்லை. சில சமயம் நம் குரல் அவர்களுக்குக் கேட்பதில்லை.
3. Noise: ஆடியோ முழுவதுமாக கட் ஆவதற்கு முன்பு, ஸ்பீக்கரில் "கரகர" என இரைச்சல் சத்தம் (Static Noise) கேட்பதாகச் சிலர் கூறியுள்ளனர்.

பாதிக்கப்பட்ட மாடல்கள் (Affected Devices List) ⚠️

கீழ்க்கண்ட மூன்று மாடல்களில் தான் இந்த பிரச்சனை அதிகமாக உள்ளது என்று சியோமி கூறியுள்ளது:

1. Redmi Pad 2

• பிரச்சனை: ஸ்பீக்கரில் இருந்து எந்த சத்தமும் வருவதில்லை.
• நிலை (Status): சியோமி இன்ஜினியர்கள் இதைச் சோதித்து வருகின்றனர். ஆனால் அவர்களது லேப்பில் இன்னும் இந்தப் பிரச்சனையை மறுஉருவாக்கம் (Reproduce) செய்ய முடியவில்லை. எனவே தீர்வு வர சிறிது காலம் ஆகலாம்.

2. POCO F7 Ultra

• பிரச்சனை: போன் பேசும்போது எதிரில் உள்ளவர் குரல் கேட்பதில்லை.
• நிலை: இதுபற்றி ஆய்வு செய்யப்பட்டு வருகிறது (Under Analysis).

3. POCO F8 Pro

• பிரச்சனை: அழைப்புகளின் போது இரைச்சல் சத்தம்.
• நிலை: நல்ல செய்தி! இந்த மாடலுக்குத் தீர்வு கிடைத்துவிட்டது. உடனே உங்கள் போனை OS3.0.6.0.WPKEUXM வெர்ஷனுக்கு அப்டேட் செய்யுங்கள். பிரச்சனை சரியாகிவிடும்.

இந்த பிரச்சனை இல்லாத ஒரு தரமான போன் வேண்டுமா? 8000mAh பேட்டரி உடன் வெளியான Realme Neo 8 - முழு விபரம் இதோ!

பாதிக்கப்பட்டவர்கள் என்ன செய்ய வேண்டும்? (Temporary Solution)

உங்கள் போனில் இந்த பிரச்சனை இருந்தால், சியோமி ஒரு புதிய அப்டேட் (Hotfix) வெளியிடும் வரை காத்திருப்பதுதான் ஒரே வழி.

• Feedback: உங்கள் போனில் உள்ள "Services & Feedback" ஆப் மூலம் புகார் அளியுங்கள்.
• Bluetooth Check: புளூடூத் ஹெட்செட் கனெக்ட் ஆகி உள்ளதா எனச் சோதிக்கவும். அதை ஆஃப் செய்துவிட்டு செக் செய்யவும்.
• Restart: ஒருமுறை போனை சுவிட்ச் ஆஃப் செய்து ஆன் செய்யவும். இது தற்காலிகமாக உதவலாம்.

எச்சரிக்கை: தயவுசெய்து அவசரப்பட்டு போனை Factory Reset செய்ய வேண்டாம். இது சாஃப்ட்வேர் கோளாறு என்பதால், ரீசெட் செய்தாலும் சரியாகாது.

அப்டேட் செய்யலாமா?

மேலே குறிப்பிட்டுள்ள மாடல்களை (Redmi Pad 2, POCO F7 Ultra) நீங்கள் வைத்திருந்தால், HyperOS 3 அப்டேட் செய்வதைக் கொஞ்சம் தள்ளிப்போடுவது நல்லது. பிரச்சனை சரியான பிறகு அப்டேட் செய்யலாம்.

புகார் அளிக்க மற்றும் அப்டேட் விவரங்களுக்கு: Xiaomi Official Community - Bug Report Thread