200 நாட்கள் வேலிடிட்டி.! 2.5GB டேட்டா + அன்லிமிடெட் 5G வழங்கும் ஜியோ ரூ.2025 பிளான்!

Jio Rs 2025 Prepaid Plan: ஜியோ நிறுவனத்தின் ப்ரீபெய்ட் வாடிக்கையாளர்கள் வருடாந்திர திட்டங்களுக்குச் செல்லாமல், பாதி வருடத்திற்கு ரீசார்ஜ் செய்யத் திட்டமிட்டால் ஒரு சிறந்த வாய்ப்பு உள்ளது.

அதன்படி, பயனர்கள் கண்ணை மூடிக்கொண்டு ரீசார்ஜ் செய்யும்படி ஒரு பக்காவான ப்ரீபெய்ட் திட்டம் ஜியோவில் தற்பொழுது லைவில் இருக்கிறது.

குறிப்பாக, இந்தத் திட்டம் வாடிக்கையாளர்களுக்கு 6 மாதங்களுக்கும் மேலான நீண்ட நாட்கள் வேலிடிட்டியை (Validity) மிகக் குறைந்த விலையில் வழங்குகிறது.

இதோடு சேர்த்து இலவச வாய்ஸ் கால்கள், தினசரி அதிவேக டேட்டா, எஸ்எம்எஸ் மற்றும் ஓடிடி சந்தா போன்ற கூடுதல் நன்மைகளையும் நுகர்வோர் பெற்றுக்கொள்ள முடியும்.

Jio Rs 2025 Plan Validity Details

ஜியோ ரூ.2025 திட்டத்தின் நீட்டிக்கப்பட்ட வேலிடிட்டி விபரங்கள்: பொதுவாக டெலிகாம் நிறுவனங்கள் வழங்கும் 6 மாத திட்டங்களின் வேலிடிட்டி விபரங்கள் பின்வருமாறு:

• வழக்கமாக டெலிகாம் நிறுவனங்களின் வருடாந்திர திட்டங்களில் வாடிக்கையாளர்களுக்கு 365 நாட்கள் வேலிடிட்டி வழங்கப்படுகிறது.
• சாமானிய நுகர்வோர் பயன்படுத்தும் சாதாரண 6 மாத திட்டங்கள் என்றால் வெறும் 180 நாட்கள் வேலிடிட்டி மட்டுமே கிடைக்கும்.
• ஆனால், ஜியோ (Jio) நிறுவனம் தனது வாடிக்கையாளர்களுக்காக 180 நாட்களுடன் கூடுதலாக 20 நாட்கள் வேலிடிட்டியை வாரி வழங்கியுள்ளது.
• அதன்படி, மொத்தம் 200 நாட்கள் நீட்டிக்கப்பட்ட வேலிடிட்டியுடன் இந்த புதிய ஜியோ ரூ.2025 திட்டத்தை (Jio Rs 2025 Plan) களம் இறக்கியுள்ளது.

இந்த அதிரடி அறிவிப்பு நீண்ட நாட்கள் வேலிடிட்டி மற்றும் நெட்வொர்க் சலுகை தேடும் ஜியோ ப்ரீபெய்ட் வாடிக்கையாளர்கள் மத்தியில் பெரும் வரவேற்பைப் பெற்றுள்ளது.

இதுவும் படியுங்கள்: Airtel Users: உடனே Perplexity Pro சப்ஸ்கிரிப்ஷனை கேன்சல் செய்யுங்க!

Daily Data & Voice Call Benefits

தினசரி டேட்டா மற்றும் வாய்ஸ் கால் சலுகைகள்: இந்த 200 நாட்கள் திட்டத்தில் வாடிக்கையாளர்களுக்குக் கிடைக்கும் இணைய வேகம் மற்றும் நெட்வொர்க் விபரங்கள் இதோ:

• இந்த புதிய ப்ரீபெய்ட் திட்டத்தை (Prepaid Plan) ரீசார்ஜ் செய்யும் வாடிக்கையாளர்களுக்கு முழுமையாக 200 நாட்கள் வேலிடிட்டி கிடைக்கும்.
• இந்த நாட்கள் முழுவதுமே தகுதியுள்ள வாடிக்கையாளர்கள் அன்லிமிடெட் 5ஜி டேட்டாவை (Unlimited 5G Data) முற்றிலும் இலவசமாகப் பெற்றுக்கொள்ளலாம்.
• மேலும், இந்தத் திட்டத்தில் வழங்கப்படக்கூடிய தினசரி 4ஜி இணைய டேட்டா அளவும் மிக அதிகமாகக் கொடுக்கப்பட்டுள்ளது.
• அதன்படி, 4ஜி வாடிக்கையாளர்களாக இருந்தாலும் நாளொன்றுக்கு 2.5 ஜிபி டேட்டாவை (2.5GB daily data) பயனர்கள் தடையின்றிப் பயன்படுத்தலாம்.

இந்தத் திட்டம் 200 நாட்களை வேலிடிட்டியாகக் கொண்டிருப்பதால், ஒட்டுமொத்தமாக 500 ஜிபி (500GB total data) அதிவேக டேட்டாவை வாடிக்கையாளர்கள் பயன்படுத்த முடியும்.

தினசரி 2.5 ஜிபி டேட்டா லிமிட் முடிந்த பிறகும் 64 கேபிபிஎஸ் (64kbps) வேகத்தில் இணையத்தைப் பயன்படுத்தலாம். அதோடு, 200 நாட்கள் முழுவதும் அன்லிமிடெட் லோக்கல் (Unlimited Local), எஸ்டிடி (STD) மற்றும் ரோமிங் வாய்ஸ் கால்களைப் பேசிக் கொள்ளலாம். நாளொன்றுக்கு 100 இலவச எஸ்எம்எஸ்களும் கிடைக்கின்றன.

இதுவும் படியுங்கள்: RBI Loan Mobile Rules: அக்.1 முதல் புதிய லோன் விதிமுறைகள் அமல்!

Free OTT & Gemini Pro Cloud Storage Offers

இலவச ஓடிடி மற்றும் ஜெமினி ப்ரோ கிளவுட் ஸ்டோரேஜ் சலுகைகள்: ஜியோவின் இந்தத் திட்டத்தில் கூடுதலாகக் கிடைக்கும் அட்வான்ஸ்டு டிஜிட்டல் ஆஃபர்கள் பின்வருமாறு:

• இந்த முக்கிய நெட்வொர்க் சலுகைகள் போக, இலவச ஓடிடி (OTT) சந்தா மற்றும் ஏஐ கிளவுட் ஸ்டோரேஜ் சந்தாவை இந்தத் திட்டம் வழங்குகிறது.
• அதன்படி, பயனர்களுக்கு 3 மாதங்களுக்கான ஜியோஹாட்ஸ்டார் மொபைல் பிளஸ் ஹாலிவுட் (JioHotstar Mobile+ Hollywood) சந்தா இலவசமாகக் கிடைக்கும்.
• மேலும், 50 ஜிபி கிளவுட் ஸ்டோரேஜ் வழங்கும் ஜியோ ஏஐ கிளவுட் (Jio AI Cloud) அணுகலும் இதில் கொடுக்கப்பட்டுள்ளது.
• இந்தச் சலுகைகளை ஆக்டிவேட் செய்ய வாடிக்கையாளர்கள் தங்களது ஜியோ மொபைல் நம்பரை மட்டுமே லாகின் செய்யப் பயன்படுத்த வேண்டும்.
• மிக முக்கியமாக, கூகுள் நிறுவனத்தின் பிரீமியம் ஏஐ வசதியான ஜெமினி ப்ரோ (Gemini Pro) சந்தாவும் இந்தத் திட்டத்தில் சேர்க்கப்பட்டுள்ளது.
• இதன் மூலம் 5000 ஜிபி (5TB) கிளவுட் ஸ்டோரேஜ் மற்றும் நானோ பனானா உள்ளிட்ட பிரீமியம் அணுகல்களைப் பயனர்கள் 18 மாதங்களுக்குப் பெற்றுக்கொள்ளலாம்.

இருப்பினும், இந்த திட்டத்தின் நெட்வொர்க் வேலிடிட்டி 200 நாட்களில் முடிந்துவிடும் என்பதால், அடுத்த 48 மணி நேரத்திற்குள் மீண்டும் ரூ.349 அல்லது அதற்கு மேற்பட்ட திட்டத்தில் ரீசார்ஜ் செய்வதன் மூலம் இந்த 18 மாத ஏஐ சலுகையைத் தொடர்ந்து அனுபவிக்க முடியும்!