.png){kind=small}
Vi Voice Only Plans: இந்திய தொலைத்தொடர்பு சந்தையில் முன்னணி நிறுவனங்களான ரிலையன்ஸ் ஜியோ (Jio) மற்றும் பார்தி ஏர்டெல் (Airtel) நிறுவனங்கள் தங்களது வாடிக்கையாளர்களுக்கு பிரத்யேக அழைப்புத் திட்டங்களை வழங்கியதைத் தொடர்ந்து, தற்போது வோடபோன் ஐடியா (Vodafone Idea - Vi) நிறுவனமும் அதிரடி முடிவை எடுத்துள்ளது. இந்தியத் தொலைத்தொடர்பு ஒழுங்குமுறை ஆணையத்தின் (TRAI) வழிகாட்டுதலின்படி, பயனர்களின் தேவையற்ற செலவைக் குறைக்கும் வகையில் வெறும் ரூ.179 ஆரம்ப விலையில் இருந்து புதிய வாய்ஸ் ஒன்லி திட்டங்களை (Voice only plans) வோடபோன் ஐடியா அதிகாரப்பூர்வமாக களமிறக்கியுள்ளது.
Vi Voice Only Plans: ரூ.179 முதல் தொடங்கும் புதிய திட்டங்கள்!
தினசரி இணைய டேட்டா தேவையில்லை, வெறும் வாய்ஸ் கால்கள் மற்றும் எஸ்எம்எஸ் வசதி மட்டுமே போதும் என்று நினைக்கும் லட்சக்கணக்கான வாடிக்கையாளர்களுக்கு இந்த திட்டங்கள் மிகச் சிறந்த வரப்பிரசாதமாக வந்துள்ளன. குறிப்பாக சாதாரண பட்டன் போன்களைப் பயன்படுத்தும் முதியவர்கள் மற்றும் ஸ்மார்ட்போனில் தங்களது இரண்டாவது சிம் கார்டை (Secondary SIM card) குறைந்த செலவில் எப்போதும் ஆக்டிவாக வைத்திருக்க விரும்புவோரை இலக்காகக் கொண்டு, 25 நாட்கள் முதல் 365 நாட்கள் வரையிலான 6 மாஸ் திட்டங்கள் அறிமுகம் செய்யப்பட்டுள்ளன. இந்த புதிய திட்டங்களின் முழுமையான பலன்கள் மற்றும் நன்மைகளை இப்போது விரிவாகப் பார்க்கலாம்.
Vi Rs 179 & Rs 185 Plans
விஐ ரூ.179 மற்றும் ரூ.185 திட்டங்கள்: வோடபோன் ஐடியாவின் இந்தப் புதிய பட்டியலில் மிகவும் குறைந்த விலையில் கிடைக்கும் ஆரம்பத் திட்டமாக ரூ.179 திட்டம் அமைந்துள்ளது. இந்தத் திட்டத்தில் ரீசார்ஜ் செய்யும் வாடிக்கையாளர்களுக்கு முழுமையாக 25 நாட்கள் வேலிடிட்டி (25 days validity) வழங்கப்படுகிறது. இதில் நாடு தழுவிய வரம்பற்ற அழைப்புகள் (Unlimited domestic calls) மற்றும் மொத்தம் 300 இலவச எஸ்எம்எஸ்கள் (SMS) கிடைக்கின்றன. கூடுதலாக திரைப்படங்கள் மற்றும் தொடர்களைக் காண விஐ மூவிஸ் மற்றும் டிவி (Vi Movies & TV) செயலியின் இலவச அணுகலும் சேர்க்கப்பட்டுள்ளது.
அடுத்ததாக உள்ள ரூ.185 திட்டமானது 28 நாட்கள் முழு வேலிடிட்டியுடன் (28 days validity) வருகிறது. இதிலும் வாடிக்கையாளர்களுக்கு அன்லிமிடெட் வாய்ஸ் கால்கள் மற்றும் 300 எஸ்எம்எஸ்கள் முழுமையாகக் கிடைக்கும். ஆனால் இந்தத் திட்டத்தில் ஓடிடி பலன்கள் எதுவும் வழங்கப்படவில்லை.
Vi Rs 203 & Rs 206 Plans
விஐ ரூ.203 மற்றும் ரூ.206 திட்டங்கள்: மாதம் ஒருமுறை மட்டுமே ரீசார்ஜ் செய்ய விரும்பும் பயனர்களுக்காக இந்த இரண்டு நடுத்தரத் திட்டங்கள் கொண்டுவரப்பட்டுள்ளன. இதில் ரூ.203 ப்ரீபெய்ட் திட்டமானது 30 நாட்கள் முழு வேலிடிட்டியைத் (30 days validity) தருகிறது. அதேசமயம் ரூ.206 திட்டமானது சரியாக 1 காலண்டர் மாத வேலிடிட்டி (1 Calendar month validity) பலனுடன் வருகிறது.
அதாவது நீங்கள் எந்தத் தேதியில் ரீசார்ஜ் செய்கிறீர்களோ, அடுத்த மாதமும் அதே தேதியில் ரீசார்ஜ் செய்து கொள்ளும் அட்டகாசமான வசதியாகும். இந்த இரண்டு திட்டங்களிலுமே பயனர்களுக்கு அன்லிமிடெட் வாய்ஸ் கால்கள் மற்றும் 300 எஸ்எம்எஸ்கள் மட்டுமே பலன்களாகக் கிடைக்கின்றன.
இதையும் படியுங்கள்: பெரியவர்களுக்காகவே வந்த நோக்கியா! SOS பட்டன், 15 நாள் பேட்டரியுடன் Nokia 2360 Flip 4G அறிமுகம்!
Vi Rs 470 & Rs 1849 Plans
விஐ ரூ.470 மற்றும் ரூ.1849 திட்டங்கள்: அடிக்கடி ரீசார்ஜ் செய்யும் சிரமமின்றி நீண்ட காலத்திற்கு சிம் கார்டை இயக்க நினைப்பவர்களுக்காக இந்த இரண்டு நீண்ட காலத் திட்டங்கள் உள்ளன. இதில் ரூ.470 ரீசார்ஜ் திட்டம் சுமார் 3 மாதங்கள் அதாவது 84 நாட்கள் வேலிடிட்டியுடன் (84 days validity), அன்லிமிடெட் வாய்ஸ் கால்கள் மற்றும் மொத்தம் 900 எஸ்எம்எஸ்களை வாரி வழங்குகிறது.
இதனை விடப் பெரிய திட்டமாக ஒரு வருட வேலிடிட்டி கொண்ட ரூ.1849 திட்டம் அமைந்துள்ளது. இதில் முழுமையாக 365 நாட்கள் வேலிடிட்டி (365 days validity), தடையற்ற அன்லிமிடெட் வாய்ஸ் கால்கள் மற்றும் மொத்தம் 3600 எஸ்எம்எஸ்கள் கொடுக்கப்படுகின்றன.
Vi Plans Rules & Charges
விஐ திட்டங்களின் விதிமுறைகள் மற்றும் கட்டணங்கள்: இந்த அனைத்து வாய்ஸ் ஒன்லி திட்டங்களிலும் நிர்ணயிக்கப்பட்ட எஸ்எம்எஸ் வரம்பு முடிந்த பிறகு, லோக்கல் குறுஞ்செய்தி ஒன்றுக்கு ரூ.1 மற்றும் எஸ்டிடி குறுஞ்செய்தி ஒன்றுக்கு ரூ.1.5 கட்டணமாகப் பிடித்தம் செய்யப்படும். மேலும், தனியாக டேட்டா பேக் ரீசார்ஜ் செய்யாமல் மொபைல் டேட்டாவை ஆன் செய்து பயன்படுத்தினால், ஒரு எம்பிக்கு 50 பைசா (50p/MB tariff) வீதம் கணக்கில் இருந்து கழிக்கப்படும் என்பதை பயனர்கள் நினைவில் கொள்ள வேண்டும்.
