.png){kind=small}
இந்திய ஸ்மார்ட்போன் சந்தையில் பிரீமியம் மிட்ரேன்ஜ் பிரிவில் போட்டி தற்போது உச்சக்கட்டத்தை எட்டியுள்ளது. பெரிய அளவிலான பேட்டரி பேக்கப் மற்றும் அதீத கேமிங் வேகத்தை விரும்பும் பயனர்களைக் குறிவைத்து சியோமி மற்றும் போகோ ஆகிய இரண்டு பிராண்டுகளும் தங்களின் பிரம்மாண்டமான சாதனங்களைச் சந்தையில் இறக்கியுள்ளன. ஒரே விலை வரம்பில் விற்பனைக்கு வரும் இந்த இரண்டு மொபைல்களும் வாடிக்கையாளர்கள் மத்தியில் மிகப்பெரிய எதிர்பார்ப்பையும் எந்த மாடலை வாங்குவது என்ற குழப்பத்தையும் உருவாக்கியுள்ளன.
ஒருபுறம் செயற்கை நுண்ணறிவு அம்சங்களுடன் கூடிய புதிய ரெட்மி நோட் 17 ப்ரோ மேக்ஸ் (Redmi Note 17 Pro Max) மாடலும், மறுபுறம் அசுரத்தனமான பிராசஸர் வேகத்துடன் கூடிய போகோ எக்ஸ்8 ப்ரோ மேக்ஸ் (POCO X8 Pro Max) மாடலும் நேரடியாக மோதுகின்றன. இரண்டு மாடல்களிலுமே அமோலெட் டிஸ்பிளே, அதிவேக சார்ஜிங் மற்றும் நவீன ஆண்ட்ராய்டு இயங்குதளம் எனப் பல வசதிகள் உள்ளன. இந்த இரண்டு போன்களின் விடுபட்ட அனைத்து முக்கிய அம்சங்கள், செயல்திறன், கேமரா, பேட்டரி மற்றும் விலையை இப்போது விரிவாக ஒப்பிட்டுப் பார்க்கலாம்.
Redmi Note 17 Pro Max vs POCO X8 Pro Max Specifications
ரெட்மி நோட் 17 ப்ரோ மேக்ஸ் vs போகோ எக்ஸ்8 ப்ரோ மேக்ஸ் அம்சங்கள்: செயல்திறனைப் பொறுத்தவரை போகோ எக்ஸ்8 ப்ரோ மேக்ஸ் போனில் மிக அதிநவீன 3என்எம் மீடியாடெக் டைமன்சிட்டி 9500எஸ் சிப்செட் (3nm MediaTek Dimensity 9500s chipset) பிராசஸர் பொருத்தப்பட்டுள்ளது. இதில் அதிகபட்சமாக 12 ஜிபி எல்பிடிடிஆர்5எக்ஸ் அல்ட்ரா ரேம் (12GB LPDDR5X Ultra RAM) மற்றும் அதிவேக ரீட்/ரைட் வேகம் தரும் 512 ஜிபி யுஎஃப்எஸ் 4.1 மெமரி (512GB UFS 4.1 storage) உள்ளது. நீண்ட நேரம் சூடாகாமல் இருக்க இதில் வேப்பர் சேம்பர் லிக்விட் கூலிங் சிஸ்டம் (Vapour Chamber Liquid Cooling System) கொடுக்கப்பட்டுள்ளது.
மறுபுறம் ரெட்மி நோட் 17 ப்ரோ மேக்ஸ் போனில் குவால்காம் ஸ்னாப்டிராகன் பிராசஸருடன் 8 ஜிபி மற்றும் 12 ஜிபி ரேம் தேர்வுகள் கிடைக்கின்றன. மென்பொருளைப் பொறுத்தவரை இரண்டு மாடல்களுமே கூகுளின் லேட்டஸ்ட் ஆண்ட்ராய்டு 16 இயங்குதளம் (Android 16 OS) சார்ந்த சியோமி ஹைப்பர்ஓஎஸ் 3 (Xiaomi HyperOS 3) தளத்தில் இயங்குகின்றன. ரெட்மி போனில் ஏஐ டைனமிக் வால் பேப்பர்கள் (AI Dynamic Wallpapers), ஏஐ ரைட்டிங் டூல்ஸ் (AI writing tools) மற்றும் ஏஐ ஸ்பீச் ரெகக்னிஷன் (AI Speech Recognition) போன்ற நவீன செயற்கை நுண்ணறிவு மென்பொருள் ஆதரவுகள் தனித்துவமாக உள்ளன.
Redmi Note 17 Pro Max vs POCO X8 Pro Max Display
ரெட்மி நோட் 17 ப்ரோ மேக்ஸ் vs போகோ எக்ஸ்8 ப்ரோ மேக்ஸ் டிஸ்பிளே: இரண்டு சாதனங்களிலுமே 6.83 இன்ச் 1.5K அமோலெட் டிஸ்பிளே (6.83-inch 1.5K AMOLED display) பேனல் கொடுக்கப்பட்டு இருக்கிறது. இரண்டிலுமே 120Hz புதுப்பிப்பு வீதம் (120Hz refresh rate), எச்டிஆர்10 பிளஸ் (HDR10+), டால்பி விஷன் (Dolby Vision) மற்றும் கடுமையான வெயிலிலும் தெளிவாகப் பார்க்க உதவும் 3,500 நிட்ஸ் உச்ச பிரகாசம் (3,500 nits peak brightness) வசதிகள் உள்ளன.
பாதுகாப்பைப் பொறுத்தவரை ரெட்மி மாடலில் கார்னிங் கொரில்லா கிளாஸ் விக்டஸ் 2 புரொடெக்சன் (Corning Gorilla Glass Victus 2 protection) மற்றும் ஈரான கைகளுடன் இயக்கும் வெட் டச் தொழில்நுட்பம் கொடுக்கப்பட்டுள்ளது. போகோ எக்ஸ்8 ப்ரோ மேக்ஸ் போனில் கேமிங் பிரியர்களைக் கவரும் வகையில் பின்புற கேமரா பகுதியில் அழைப்புகள் மற்றும் சார்ஜிங்கிற்கு ஒளிரும் ஆர்ஜிபி எல்இடி லைட்டிங் (RGB LED lighting) மற்றும் கைரேகை படியாத ஃபைபர்கிளாஸ் பேக் பேனல் (Fibreglass back panel) வழங்கப்பட்டுள்ளது.
Redmi Note 17 Pro Max vs POCO X8 Pro Max Camera
ரெட்மி நோட் 17 ப்ரோ மேக்ஸ் vs போகோ எக்ஸ்8 ப்ரோ மேக்ஸ் கேமரா: போகோ எக்ஸ்8 ப்ரோ மேக்ஸ் போனில் ஆப்டிகல் இமேஜ் ஸ்டெபிலைசேஷன் கொண்ட 50 எம்பி லைட் ஃப்யூஷன் 600 மெயின் கேமரா (50MP Light Fusion 600 main camera with OIS) மற்றும் 8 எம்பி அல்ட்ரா வைடு லென்ஸ் (8MP ultra-wide lens) வழங்கப்பட்டுள்ளது. மேலும் இதன் முன்பக்கத்தில் 20 எம்பி செல்ஃபி கேமரா (20MP front camera) மட்டுமே இடம்பெற்றுள்ளது.
ரெட்மி நோட் 17 ப்ரோ மேக்ஸ் மாடலில் ஓஐஎஸ் ஆதரவு கொண்ட 50 எம்பி மெயின் கேமராவுடன் சேர்த்து செல்ஃபி பிரியர்களுக்காக 32 எம்பி முன்பக்க கேமரா (32MP selfie camera) கொடுக்கப்பட்டுள்ளது. மேலும் இதில் ஏஐ இமேஜ் எக்ஸ்பான்ஷன் மற்றும் 4K 60fps வீடியோ ரெக்கார்டிங் ஆதரவுகளும் உள்ளன.
Redmi Note 17 Pro Max vs POCO X8 Pro Max Battery
ரெட்மி நோட் 17 ப்ரோ மேக்ஸ் vs போகோ எக்ஸ்8 ப்ரோ மேக்ஸ் பேட்டரி: ரெட்மி நோட் 17 ப்ரோ மேக்ஸ் போனில் மலையளவு பேக்கப் தரும் ராட்சத 10000mAh பேட்டரி (10000mAh battery) சிஸ்டம் கிடைக்கிறது. போகோ எக்ஸ்8 ப்ரோ மேக்ஸ் போனில் 9000mAh சிலிக்கான் கார்பன் பேட்டரி (9000mAh silicon-carbon battery) பொருத்தப்பட்டுள்ளது.
சார்ஜிங் வேகத்தில் இரண்டுமே சமபலத்துடன் விளங்குகின்றன. இரண்டு மாடல்களிலுமே 100W ஃபாஸ்ட் சார்ஜிங் (100W fast charging), பேட்டரி ஆயுளைக் காக்கும் இன்டெலிஜென்ட் சார்ஜிங் (Intelligent charging) மற்றும் பிற சாதனங்களை சார்ஜ் செய்ய 27W ரிவர்ஸ் வயர்லெஸ் சார்ஜிங் (27W reverse charging) ஆதரவு உண்டு. இரண்டு போன்களுமே கடுமையான ஐபி69கே வாட்டர் ப்ரூப் ரேட்டிங் (IP69K waterproof rating) மற்றும் டஸ்ட் ரெசிஸ்டன்ஸ் கொண்டவை.
Redmi Note 17 Pro Max vs POCO X8 Pro Max Price
ரெட்மி நோட் 17 ப்ரோ மேக்ஸ் vs போகோ எக்ஸ்8 ப்ரோ மேக்ஸ் விலை: ரெட்மி நோட் 17 ப்ரோ மேக்ஸ் 5ஜி போனின் 8 ஜிபி ரேம் + 256 ஜிபி மெமரி வேரியண்ட் விலை ரூ.49,999 ஆகவும், 12 ஜிபி ரேம் + 256 ஜிபி மெமரி வேரியண்ட் விலை ரூ.54,999 ஆகவும் நிர்ணயிக்கப்பட்டு உள்ளது. வங்கி தள்ளுபடி சலுகைகளும் இதற்கு உண்டு.
போகோ எக்ஸ்8 ப்ரோ மேக்ஸ் 5ஜி மாடலின் 12 ஜிபி ரேம் + 256 ஜிபி மெமரி வேரியண்ட் ரூ.48,999 ஆரம்ப விலையிலும், 12 ஜிபி ரேம் + 512 ஜிபி வேரியண்ட் ரூ.52,999 விலையிலும் பிளிப்கார்ட் தளத்தில் கிடைக்கிறது. அதீத கேமிங் வேகம், ஆர்ஜிபி லைட்ஸ் மற்றும் லிக்விட் கூலிங் சிஸ்டம் தேவைப்படுபவர்கள் போகோ எக்ஸ்8 ப்ரோ மேக்ஸ் போனையும், பிரம்மாண்டமான 10000mAh பேட்டரி, ஏஐ அம்சங்கள் மற்றும் சிறந்த செல்ஃபி கேமராவை விரும்புபவர்கள் ரெட்மி நோட் 17 ப்ரோ மேக்ஸ் போனையும் தாராளமாகத் தேர்வு செய்யலாம்.
