Xiaomi 17T Price Hike: ரூ.10,000 எகிறிய சியோமி 17டி விலை! ஆஃபர் விபரம்!

Xiaomi 17T Price Hike: ரூ.10,000 எகிறிடுச்சு! லெய்கா கேமராவுடன் சியோமி 17டி மாஸ் போன்! இந்திய ஸ்மார்ட்போன் சந்தையில் பிரீமியம் மற்றும் மிட்-ரேஞ்ச் மாடல்களின் விலைகள் தொடர்ந்து ஏறி வரும் சூழலில், கேமரா பிரியர்களிடையே பெரும் வரவேற்பைப் பெற்ற Xiaomi 17T (சியோமி 17டி) மாடலின் விலையும் தற்போது அதிரடியாக உயர்ந்துள்ளது. சந்தையில் வெளியான போது இருந்த விலையை விட தற்போது ரூ.10,000 வரை விலை அதிகரிக்கப்பட்டு இருந்தாலும், குறிப்பிட்ட வங்கி கார்டுகள் மூலம் சிறப்பு தள்ளுபடியுடன் இதனை வாங்க முடியும்.

லெய்கா லென்ஸ் (Leica lens) மற்றும் அட்டகாசமான டிஸ்பிளே அம்சங்களுடன் கிடைக்கும் இந்த சியோமி 17டி ஸ்மார்ட்போனின் புதிய விலை நிலவரம், ஆஃபர்கள் மற்றும் முழு தொழில்நுட்ப விவரங்களை விரிவாகப் பார்க்கலாம்.

Xiaomi 17T Price and Bank Offers

சியோமி 17டி விலை மற்றும் வங்கி சலுகைகள்: இந்திய சந்தையில் இந்த ஸ்மார்ட்போன் அறிமுகமான போது, இதன் 12GB RAM மற்றும் 256GB மெமரி கொண்ட வேரியண்ட்டின் அதிகாரப்பூர்வ விலை ரூ.59,999 ஆக நிர்ணயிக்கப்பட்டது. மேலும் தொடக்க சலுகையாக அமேசான் தளத்தில் ரூ.54,999 விலைக்குக் கிடைத்தது. ஆனால் தற்போது அதே அமேசான் தளத்தில் இதன் விலை ரூ.10,000 உயர்த்தப்பட்டு ரூ.69,999 ஆக விற்பனை செய்யப்படுகிறது.

இருப்பினும் வாடிக்கையாளர்களுக்கு ஆறுதல் தரும் விதமாக ரூ.5,000 உடனடி கிரெடிட் கார்டு தள்ளுபடி (Bank discount) வழங்கப்படுகிறது. எஸ்பிஐ (SBI), ஆக்சிஸ் பேங்க் (Axis Bank) மற்றும் கோடக் (Kotak) கிரெடிட் கார்டுகளைப் பயன்படுத்தும்போது இந்த ரூ.5,000 தள்ளுபடி போக ரூ.64,999 விலைக்கு இந்த போனை வாங்கலாம். மேலும் 6 மாதங்கள் வரை கட்டணமில்லா மாதத்தவணை (No-Cost EMI) சலுகையும் உண்டு. இது பிளாக் (Black), ப்ளூ (Blue) மற்றும் வயலெட் (Violet) ஆகிய மூன்று நிறங்களில் கிடைக்கிறது.

இதுவும் படியுங்கள்: Ration Card Rules: 6 மாதமாக பொருள் வாங்கலையா? அக்.1 முதல் ரேஷன் கார்டுக்கு புதிய சிக்கல்!

Xiaomi 17T Display and Processor

டிஸ்பிளே தரம் மற்றும் சக்திவாய்ந்த பிராசஸர்: இந்த ஸ்மார்ட்போனில் 6.59-இன்ச் 1.5K ரெசல்யூஷன் கொண்ட அமோலெட் (AMOLED) டிஸ்பிளே இடம்பெற்றுள்ளது. இது 120Hz ரெஃப்ரெஷ் ரேட், 3200Hz இன்ஸ்டன்ட் டச் சாம்பிளிங் ரேட், 3840Hz PWM டிம்மிங் மற்றும் அதிகபட்சமாக 3500 நிட்ஸ் பீக் பிரைட்னஸ் வழங்குகிறது. மேலும் திரையின் பாதுகாப்பிற்கு கார்னிங் கொரில்லா கிளாஸ் 7i (Corning Gorilla Glass 7i) வசதியும், டால்பி விஷன் (Dolby Vision) மற்றும் HDR10+ ஆதரவும் உள்ளன.

செயல்திறனைப் பொறுத்தவரை ஆக்டா கோர் மீடியாடெக் டைமன்சிட்டி 8500 அல்ட்ரா 4nm (Dimensity 8500-Ultra 4nm) சிப்செட் கொடுக்கப்பட்டுள்ளது. கிராபிக்ஸ் தேவைகளுக்காக ஆர்ம் மாலி ஜி720 எம்சி8 (Arm Mali G720 MC8) ஜிபியு உள்ளது. இயங்குதளமாக லேட்டஸ்ட் ஆண்ட்ராய்டு 16 (Android 16) அடிப்படையிலான சியோமி ஹைப்பர் ஓஎஸ் 3 (Xiaomi HyperOS 3) மூலம் இந்த போன் இயங்குகிறது.

Xiaomi 17T Leica Camera System

லெய்கா பிரீமியம் கேமரா அமைப்பு: இந்த போனின் மிகப்பெரிய சிறப்பம்சமே இதன் கேமரா அமைப்புதான். லைட் ஃபியூஷன் 800 சென்சார் மற்றும் OIS ஆதரவுடன் கூடிய 50MP மெயின் கேமரா, 12MP அல்ட்ரா வைடு கேமரா மற்றும் 5x ஆப்டிகல் ஜூம், OIS வசதி கொண்ட 50MP பெரிஸ்கோப் டெலிபோட்டோ கேமரா என டிரிபிள் ரியர் கேமராக்கள் வழங்கப்பட்டுள்ளன. இதில் லெய்கா சம்மிலக்ஸ் ஆப்டிகல் லென்ஸ் (Leica Summilux Optical Lens), 120x AI அல்ட்ரா ஜூம், லெய்கா லைவ் போர்ட்ரெய்ட் மோட் போன்ற பிரீமியம் அம்சங்கள் உள்ளன. முன்பக்கத்தில் 4K வீடியோ பதிவு வசதியுடன் கூடிய 32MP செல்பி கேமரா கொடுக்கப்பட்டுள்ளது.

Xiaomi 17T Battery and Additional Features

பேட்டரி திறன் மற்றும் கூடுதல் வசதிகள்: இதில் 6500mAh ராட்சத பேட்டரி பொருத்தப்பட்டுள்ளது. இதனை மிக வேகமாக சார்ஜ் செய்ய 67W ஹைப்பர் சார்ஜிங் (Hyper Charging) வசதி உள்ளது. இவ்வளவு பெரிய பேட்டரி இருந்தும் இந்த போன் வெறும் 8.17mm தடிமனும், 200 கிராம் எடையும் கொண்டு நேர்த்தியாக வடிவமைக்கப்பட்டுள்ளது. மேலும் பாதுகாப்பிற்கு இன்-டிஸ்பிளே கைரேகை சென்சார், இன்ஃப்ராரெட் சென்சார், ஹை-ரெஸ் ஆடியோ (Hi-Res audio), டூயல் ஸ்டீரியோ ஸ்பீக்கர்கள் மற்றும் டால்பி அட்மோஸ் (Dolby Atmos) ஆதரவுகளும் இதில் இடம்பெற்றுள்ளன.