Tariff Hike 2026: Jio ரூ.195 ரீசார்ஜ் பிளானில் அதிரடி வேலிடிட்டி குறைப்பு!

ரிலையன்ஸ் ஜியோ (Reliance Jio) தனது ரூ.195 கிரிக்கெட் டேட்டா பேக்கில் (Cricket Data Pack) ஒரு பெரிய மாற்றத்தை செய்துள்ளது. இதில் டேட்டா நன்மைகள் அப்படியே இருந்தாலும், அதன் வேலிடிட்டி காலம் அதிரடியாக குறைக்கப்பட்டுள்ளது. முன்பு 90 நாட்கள் என்ற ராட்சத வேலிடிட்டியுடன் (90 Days validity) கிடைத்து வந்த இந்த பேக், இப்போது வெறும் 30 நாட்களுக்கு மட்டுமே கிடைக்கும். இது பயனர்களிடையே ஒரு குறிப்பிடத்தக்க மாற்றமாக அமைந்துள்ளது.

Jio Rs 195 Cricket Data Pack

ஜியோ ரூ.195 கிரிக்கெட் டேட்டா பேக்: இந்த அப்டேட் செய்யப்பட்ட பிளானின் கீழ், வாடிக்கையாளர்கள் மொத்தம் 15 GB அதிவேக டேட்டாவைப் (High-speed data) பெறுகிறார்கள். ஒதுக்கப்பட்டுள்ள இந்த டேட்டா தீர்ந்த பிறகு, பயனர்கள் 64 Kbps என்ற குறைக்கப்பட்ட வேகத்தில் தொடர்ந்து இணையத்தைப் பயன்படுத்தலாம். இது முற்றிலும் டேட்டா-மட்டுமே உள்ள பேக் ஆகும் (Data-only pack), இதில் எவ்வித வாய்ஸ் கால் அல்லது எஸ்எம்எஸ் நன்மைகளும் (Voice or SMS benefits) கிடையாது.

டேட்டாவைத் தவிர்த்து, கிரிக்கெட் மற்றும் பிற நிகழ்ச்சிகளைப் பார்க்க விரும்பும் பயனர்களுக்காக, இந்த பிளானில் தொடர்ந்து 90 நாட்களுக்கு இலவச ஜியோஹாட்ஸ்டார் மொபைல் சந்தா (JioHotstar mobile subscription) வழங்கப்படுகிறது.

ரீசார்ஜ் விலை உயர்வு: 👉 Airtel, Jio-வை தொடர்ந்து கட்டணத்தை ஏற்றுகிறதா Vi? வாடிக்கையாளர்களை அதிர வைக்கும் ரிப்போர்ட்!

டேட்டா அளவும், ஹாட்ஸ்டார் நன்மையும் மாறாமல் அப்படியே இருந்தாலும், 90 நாட்களில் இருந்து 30 நாட்களாக வேலிடிட்டி குறைக்கப்பட்டதால் (Validity reduction), வாடிக்கையாளர்களின் மாதாந்திர செலவு கடுமையாக அதிகரிக்கும். ப்ரீபெய்ட் பயனர்களை வெச்சி செஞ்சிட்டாங்க என்று சொல்லும் அளவிற்கு இது ஒரு மிகப்பெரிய மாற்றமாகும்.

இந்த திருத்தத்திற்குப் பிறகு, ஜியோவின் ப்ரீபெய்ட் போர்ட்ஃபோலியோவில் உள்ள டேட்டா பேக்குகளில் (Prepaid data packs) அதிகபட்ச வேலிடிட்டியாக 30 நாட்கள் மட்டுமே உள்ளது.

ஜியோ கிரிக்கெட் டேட்டா பேக்குகள் (Jio Cricket Data Packs)

Jio Rs 79 Cricket Data Pack

ஜியோ ரூ.79 கிரிக்கெட் டேட்டா பேக்: ஜியோ ரூ.79 விலையில் ஒரு அட்டகாசமான கிரிக்கெட் டேட்டா பேக்கை (Cricket Data Pack) வழங்குகிறது. இது 30 நாட்கள் வேலிடிட்டியுடன் 3GB அதிவேக டேட்டாவை வழங்குகிறது. அத்துடன் 30 நாட்களுக்கு ஜியோஹாட்ஸ்டார் மொபைல் சந்தாவும் (JioHotstar mobile subscription) இலவசமாக கிடைக்கிறது. ஒதுக்கப்பட்ட டேட்டா முடிந்ததும், பயனர்கள் 64 Kbps என்ற குறைந்த வேகத்தில் இணையத்தை தொடர்ந்து அணுகலாம்.

ஜியோ புதிய பிளான்கள்: 👉 ஜியோ யூசர்களுக்கு செம ட்ரீட்! OTT மற்றும் கிரிக்கெட் நன்மைகளுடன் மாஸாக வந்த புதிய Jio டேட்டா பிளான்கள்!

Jio Rs 100 Cricket Data Pack

ஜியோ ரூ.100 கிரிக்கெட் டேட்டா பேக்: தனது கிரிக்கெட் டேட்டா பேக் சலுகையின் ஒரு பகுதியாக, ஏற்கனவே உள்ள ரூ.100 டேட்டா பேக்கில் டேட்டா நன்மையை ஜியோ அதிகரித்துள்ளது. வாங்குனா இப்படி ஒரு டேட்டா பிளான் வாங்கனும் என்பது போல, இந்த ரூ.100 டேட்டா பேக் இப்போது 30 நாட்கள் வேலிடிட்டியுடன் 6GB சக்திவாய்ந்த அதிவேக டேட்டாவை (முன்பு 5GB ஆக இருந்தது) வழங்குகிறது. டேட்டா தீர்ந்த பிறகு 64 Kbps வேகத்தில் இணையத்தை பயன்படுத்தலாம். மேலும், இந்த பேக் 30 நாட்களுக்கான ஜியோஹாட்ஸ்டார் மொபைல் சந்தாவுடன் (JioHotstar mobile subscription) வருகிறது.

🌐 மேலும் ரீசார்ஜ் விபரங்களுக்கு: 👉 Jio அதிகாரப்பூர்வ இணையதளத்தைப் பார்வையிடவும்

Jio Rs 149 Cricket Data Pack

ஜியோ ரூ.149 கிரிக்கெட் டேட்டா பேக்: மேலும், ரூ.149 விலையில் அதிக மதிப்பைக் கொண்ட பிரம்மாண்டமான டேட்டா பேக்கையும் ஜியோ வழங்குகிறது. இது 30 நாட்கள் வேலிடிட்டியுடன் 10GB அதிவேக டேட்டாவை (High-speed data) வழங்குகிறது. இத்துடன் 90 நாட்களுக்கான ஜியோஹாட்ஸ்டார் மொபைல் சந்தாவும் (JioHotstar mobile subscription) இலவசமாகக் கிடைக்கிறது. அதிவேக டேட்டா தீர்ந்த பிறகு, பயனர்கள் 64 Kbps வேகத்தில் அன்லிமிடெட் டேட்டாவை தொடர்ந்து பயன்படுத்தலாம்.