.png){kind=small}
இந்தியத் தொலைத்தொடர்பு துறையில் தனியார் நிறுவனங்களான ஜியோ மற்றும் ஏர்டெல் தங்களின் ரீசார்ஜ் கட்டணங்களை கணிசமாக உயர்த்திய பிறகு, அரசு பொதுத்துறை நிறுவனமான பிஎஸ்என்எல் (BSNL) பக்கம் வாடிக்கையாளர்களின் கவனம் வேகமாகத் திரும்பியுள்ளது. நாடு முழுவதும் அதிவேக 4ஜி சேவைகளை (High speed 4G services) விரிவுபடுத்தி வரும் பிஎஸ்என்எல், வாடிக்கையாளர்களைக் கவரும் வகையில் பல்வேறு பட்ஜெட் விலையிலான திட்டங்களை அறிமுகப்படுத்தி வருகிறது. குறிப்பாக ரூ.350க்குள் மலிவான விலையில் அதிக நன்மைகள் கொண்ட திட்டங்கள் இதில் அடங்கும்.
இதற்கிடையில், நாடு முழுவதும் பிஎஸ்என்எல் நிறுவனத்தின் அதிவேக 4ஜி மற்றும் 5ஜி நெட்வொர்க் டவர் விரிவாக்கப் பணிகள் மிகத்தீவிரமாக நடந்து வருவதாக மத்திய தகவல் தொடர்பு அமைச்சகத்தின் Department of Telecommunications அதிகாரப்பூர்வத் தகவல்கள் தெரிவிக்கின்றன. தனியார் நெட்வொர்க்குகளில் இதே சலுகைகளுக்கு இரண்டு மடங்கு கட்டணம் செலுத்த வேண்டியுள்ள நிலையில், பிஎஸ்என்எல் இதில் வெச்சி செஞ்சிட்டாங்க என்றுதான் சொல்ல வேண்டும். அந்த வகையில் ரூ.350 விலைக்குள் கிடைக்கும் சிறந்த 4ஜி ரீசார்ஜ் திட்டங்களின் (Prepaid recharge plans) முழு விவரங்களை இங்கு பார்ப்போம்.
BSNL Rs 225 and Rs 228 Plans
பிஎஸ்என்எல் ரூ.225 மற்றும் ரூ.228 திட்டங்கள் : இந்த ப்ரீபெய்ட் சலுகைகள் நடுத்தர டேட்டா பயனர்களுக்கு மிகவும் ஏற்றதாக வடிவமைக்கப்பட்டுள்ளன. இதில் ரூ.225 திட்டமானது பயனர்களுக்குத் தினமும் 2.5 ஜிபி அதிவேக டேட்டாவை வழங்குகிறது. 30 நாட்கள் முழு வேலிடிட்டியைக் (Validity) கொண்ட இந்த திட்டத்தில் ஒட்டுமொத்மாக 75 ஜிபி டேட்டா நன்மை கிடைக்கிறது. அதேபோல, தினசரி டேட்டா வரம்பு முடிந்த பிறகும் 40 கேபிபிஎஸ் என்ற குறைக்கப்பட்ட வேகத்தில் இணையத் தொடர்பைப் பயன்படுத்திக் கொள்ளலாம்.
மறுபுறம், பிஎஸ்என்எல் ரூ.228 திட்டமானது தினமும் 2 ஜிபி டேட்டாவை பயனர்களுக்கு வழங்குகிறது. இந்த திட்டத்தின் சிறப்பம்சமே, இது ஒரு காலண்டர் மாதம் முழுமைக்கும் வேலிடிட்டி வழங்குகிறது. அதாவது, நீங்கள் எந்த தேதியில் ரீசார்ஜ் செய்கிறீர்களோ, அடுத்த மாதம் அதே தேதி வரை இந்த திட்டம் செயல்பாட்டில் இருக்கும். இந்த இரண்டு பட்ஜெட் திட்டங்களிலும் அன்லிமிடெட் லோக்கல் மற்றும் எஸ்டிடி வாய்ஸ் கால்கள் (Unlimited voice calls) மற்றும் தினமும் 100 இலவச எஸ்எம்எஸ் சலுகைகளும் வழங்கப்படுகின்றன.
இதையும் படியுங்கள்: வளரும் தொழில்நுட்பத்தில் அசத்தும் பிஎஸ்என்எல் நிறுவனத்தின் ரூ.299 பாரத் ஃபைபர் பிராட்பேண்ட் திட்டத்தின் முழு விவரங்கள்!
BSNL Rs 299 Plan
பிஎஸ்என்எல் ரூ.299 திட்டம் : இது அதிக டேட்டா பயன்படுத்தும் நுகர்வோருக்காக பிரத்யேகமாக வடிவமைக்கப்பட்ட ஒரு அட்டகாசமான திட்டமாகும். இந்த திட்டத்தில் ரீசார்ஜ் செய்யும் போது பயனர்களுக்குத் தினமும் 3 ஜிபி அதிவேக 4ஜி தரவு (High-speed 4G data) வழங்கப்படுகிறது. இந்த திட்டத்தின் கால வரம்பு 30 நாட்கள் ஆகும். இதன் மூலம் ஒட்டுமொத்த வேலிடிட்டி காலத்தில் பயனர்களுக்கு மொத்தம் 90 ஜிபி என்ற பிரம்மாண்டமான தரவு நன்மை கிடைப்பது குறிப்பிடத்தக்கது.
ஆன்லைன் கேமிங், வீடியோ ஸ்ட்ரீமிங் மற்றும் சமூக வலைத்தளங்களை அதிகம் பயன்படுத்துபவர்களுக்கு இந்த ரூ.299 திட்டம் மிகவும் லாபகரமான ஒரு சலுகையாக இருக்கும். இத்துடன், இந்தியாவின் எந்தவொரு நெட்வொர்க்கிற்கும் வரம்பற்ற உள்ளூர் மற்றும் வெளிவட்டார அழைப்புகள் மற்றும் தினமும் 100 எஸ்எம்எஸ்கள் முற்றிலும் இலவசமாக வழங்கப்படுகின்றன. வாங்குனா இப்படி ஒரு போன் ரீசார்ஜ் பிளான் தான் வாங்கணும் என்று சொல்லும் அளவிற்கு இந்த திட்டம் பட்ஜெட்டிற்குள் அடங்குகிறது.
இதையும் படியுங்கள்: ஆன்லைன் பணப் பரிவெத்தனை செய்பவர்கள் கவனத்திற்கு! ரிசர்வ் வங்கி வெளியிட்டுள்ள புதிய ஆட்டோ டெபிட் விதிமுறைகள்!
BSNL Rs 347 Plan
பிஎஸ்என்எல் ரூ.347 திட்டம் : இந்த பிளான் நீண்ட கால வேலிடிட்டியை விரும்புபவர்களுக்காக உருவாக்கப்பட்டுள்ளது. இந்த திட்டத்தின் கீழ் பயனர்களுக்கு மொத்தம் 50 நாட்கள் நீண்ட கால வேலிடிட்டி (Long term validity) வழங்கப்படுகிறது. மேலும், இந்த 50 நாட்களும் தினசரி 2 ஜிபி அதிவேக டேட்டா வீதம், ஒட்டுமொத்தமாக 100 ஜிபி டேட்டா நன்மை வாடிக்கையாளர்களுக்குக் கிடைக்கிறது. அடிக்கடி ரீசார்ஜ் செய்ய விரும்பாதவர்களுக்கு இது ஒரு மிகச்சிறந்த சாய்ஸ் ஆகும்.
பயனர்கள் தங்களின் வசிப்பிட வட்டாரத்திற்கு ஏற்ப (Circle wise) இந்த ஆபர்களின் தற்போதைய நேரடி விலைகள் மற்றும் கூடுதல் சலுகை விவரங்களை BSNL Official Recharge Portal என்ற அரசு நிறுவனத்தின் அதிகாரப்பூர்வ பக்கத்தில் நேரடியாகச் சரிபார்த்துக் கொள்ளலாம். தனியார் நிறுவனங்கள் 28 நாட்களுக்கே 300 ரூபாய்க்கு மேல் வசூலிக்கும் இந்த சூழலில், பிஎஸ்என்எல் 50 நாட்களுக்கு இந்த சலுகையை வழங்குவது பாராட்டுக்குரியது. சைபர் பாதுகாப்பு மற்றும் தரவு கவலைகள் ஏதுமின்றி, அரசு நெட்வொர்க்கில் பாதுகாப்பான டிஜிட்டல் சேவைகளை (Digital services) அனுபவிக்க இந்த வாய்ப்பைப் பயன்படுத்திக் கொள்ளுங்கள்.
