SBI வாடிக்கையாளர்களுக்கு அவசர எச்சரிக்கை.! புதிய UPI மோசடி!: இந்தியாவின் மிகப்பெரிய பொதுத்துறை வங்கியான பாரத ஸ்டேட் வங்கி (State Bank of India), தனது கோடிக்கணக்கான வாடிக்கையாளர்களுக்கு தற்சமயம் ஒரு புதிய அதிரடி எச்சரிக்கையை விடுத்துள்ளது. தற்போதைய காலகட்டத்தில் ஆன்லைன் பணப்பரிவர்த்தனைகள் அதிகரித்துள்ள நிலையில், அதைப்பயன்படுத்தி சைபர் குற்றவாளிகள் புதிய புதிய வழிகளில் பொதுமக்களை ஏமாற்றி வருகின்றனர். அந்த வகையில், தற்சமயம் எஸ்பிஐ வங்கி வாடிக்கையாளர்களைக் குறிவைத்து "ஜம்ப்டு டெபாசிட் ஸ்கேம்" (Jumped Deposit Scam) என்ற புதிய மோசடி அரங்கேறி வருகிறது. எனவே, வாடிக்கையாளர்கள் தங்களது யுபிஐ (UPI) கணக்குகளைப் பயன்படுத்தும்போது மிகவும் எச்சரிக்கையாக இருக்க வேண்டும் என்று வங்கி நிர்வாகம் அறிவுறுத்தியுள்ளது.

What is SBI Jumped Deposit Scam and how it works

மோசடி நடக்கும் விபரம்: இந்த புதிய ஜம்ப்டு டெபாசிட் மோசடி முறையில், சைபர் குற்றவாளிகள் உங்களது வங்கி கணக்கிற்கு திடீரென ஒரு குறிப்பிட்ட தொகையை ஆன்லைன் மூலமாக அனுப்பி வைப்பார்கள். அதன் பிறகு, உங்களது மொபைல் எண்ணிற்குத் தொடர்பு கொண்டு, "நான் தவறுதலாக உங்களது கணக்கிற்குப் பணத்தை அனுப்பிவிட்டேன், தயவுசெய்து அதைத் திருப்பி அனுப்புங்கள்" என்று மிகவும் பரிதாபமாகப் பேசுவார்கள். நீங்கள் அதை உண்மை என்று நம்பி, அவர்கள் கேட்கும் யுபிஐ கலெக்ட் ரெக்வெஸ்ட் (UPI Collect Request) அல்லது க்யூஆர் கோடு (QR Code) மூலம் பணத்தை அனுப்ப முயன்றாலோ அல்லது அந்த ரெக்வெஸ்ட்டை ஏற்றாலோ உங்களது ஒட்டுமொத்த வங்கி கணக்கும் நொடியில் காலியாகிவிடும் ஆபத்து உள்ளது.

முக்கியமாக, இந்த மோசடியில் குற்றவாளிகள் உங்களது கவனத்தைத் திசை திருப்பி, போலி லிங்க்குகள் அல்லது யுபிஐ ஆப்ஸ்கள் மூலம் உங்களது ரகசிய யுபிஐ பின் (UPI PIN) நம்பரைப் பெற்றுவிடுகிறார்கள். நீங்கள் பணத்தைத் திருப்பி அனுப்பும் அவசரத்தில், அந்த ரெக்வெஸ்ட்டை ஏற்கும் போது உங்களது கணக்கில் இருக்கும் மொத்தப் பணமும் திருடப்படுகிறது என்று எஸ்பிஐ சைபர் பாதுகாப்புப் பிரிவு எச்சரித்துள்ளது.

இதுவும் படியுங்கள்: Instagram மாஸ் அப்டேட்.! வந்தாச்சு Grid Reorder ஃபீச்சர்!

Crucial safety guidelines issued by State Bank of India

வங்கியின் முக்கிய பாதுகாப்பு விதிகள்: இந்த ஆபத்தான ஆன்லைன் நிதி மோசடிகளில் இருந்து தங்களது வாடிக்கையாளர்களைப் பாதுகாக்க, எஸ்பிஐ வங்கி சில முக்கியமான தற்காப்பு வழிமுறைகளை அதிகாரப்பூர்வமாக வெளியிட்டுள்ளது. அவற்றை வாடிக்கையாளர்கள் அனைவரும் கண்டிப்பாகப் பின்பற்ற வேண்டும்.

முன்பின் தெரியாத நபர்களிடம் இருந்து உங்களது மொபைல் போனுக்கு வரும் எந்தவொரு யுபிஐ கலெக்ட் ரெக்வெஸ்ட்டையும் (UPI Collect Request) எக்காரணம் கொண்டும் ஏற்கக் கூடாது.
தெரியாத நபர்கள் வாட்ஸ்அப் அல்லது எஸ்எம்எஸ் மூலம் அனுப்பும் சந்தேகத்திற்குரிய லிங்க்குகளை (Links) கிளிக் செய்யவோ அல்லது க்யூஆர் கோடுகளை ஸ்கேன் செய்யவோ கண்டிப்பாகக் கூடாது.
தவறுதலாகப் பணம் வந்துவிட்டது என்று கூறி யாராவது உங்களைத் தொடர்பு கொண்டால், அவர்களுக்கு நேரடியாகப் பணத்தை அனுப்பாமல், உடனடியாக உங்களது வங்கி கிளையை அணுகி விபரத்தைக் கூற வேண்டும்.
உங்களது ரகசிய யுபிஐ பின் (UPI PIN), ஓடிபி (OTP) அல்லது வங்கி கணக்கு விபரங்களை வங்கியின் ஊழியர்கள் உட்பட யாரிடமும் எப்போதும் பகிர்ந்து கொள்ளக் கூடாது.

இதுவும் படியுங்கள்: ரூ.11000 வரை அதிரடி விலை குறைப்பில் SAMSUNG 4K ஸ்மார்ட் டிவி

How to report online financial fraud immediately

புகார் அளிக்கும் வழிமுறைகள்: ஒருவேளை நீங்கள் துரதிர்ஷ்டவசமாக இந்த ஜம்ப்டு டெபாசிட் யுபிஐ மோசடியில் சிக்கிப் பணத்தை இழந்திருந்தால், சிறிதும் தாமதிக்காமல் உடனடியாகப் புகார் அளிக்க வேண்டும். இதற்காக இந்திய அரசின் தேசிய சைபர் குற்றப் பிரிவு ஹெல்ப்லைன் எண்ணான 1930 என்ற எண்ணை உடனே தொடர்பு கொள்ளலாம்.