Android 17 Developer Preview: ஸ்மார்ட்போன் உலகில் எப்பொழுதும் புதுப்புது அப்டேட்களை வழங்கி வாடிக்கையாளர்களை ஆச்சரியப்படுத்தும் சியோமி (Xiaomi) நிறுவனம், தற்போது ஒரு அட்டகாசமான மாஸ் அப்டேட்டை வெளியிட்டுள்ளது. கூகுள் நிறுவனத்தின் லேட்டஸ்ட் இயங்குதளமான ஆண்ட்ராய்டு 17-ன் டெவலப்பர் ப்ரிவியூ (Android 17 Developer Preview) வெர்ஷனை சியோமி அதிகாரப்பூர்வமாகத் தனது ஃபிளாக்ஷிப் ஸ்மார்ட்போன்களுக்கு வெளியிட்டுள்ளது. இந்த புதிய அப்டேட் எந்தெந்த மாடல்களுக்குக் கிடைக்கும்? இதை எப்படி இன்ஸ்டால் செய்வது? இதில் உள்ள ரிஸ்க் என்ன? என்பது குறித்த முழுமையான விபரங்களை இப்போது பார்ப்போம்.
ஆண்ட்ராய்டு 17 பெறும் சியோமி போன்கள் (Eligible devices for Android 17)
தற்போதைக்கு, இந்த ஆண்ட்ராய்டு 17 டெவலப்பர் ப்ரிவியூ அப்டேட் சியோமியின் நான்கு பிரம்மாண்டமான ஃபிளாக்ஷிப் மாடல்களுக்கு மட்டுமே பிரத்யேகமாக வழங்கப்பட்டுள்ளது. அதன்படி, சியோமி 17 (Xiaomi 17), சியோமி 17 அல்ட்ரா (Xiaomi 17 Ultra), சியோமி 15டி ப்ரோ (Xiaomi 15T Pro) மற்றும் லைக்கா லைட்ஸ்-போன் (Leica Leitzphone) ஆகிய போன்களைப் பயன்படுத்தும் யூசர்கள் இந்த புதிய இயங்குதளத்தை உடனே அனுபவிக்க முடியும். பொதுமக்களுக்கு வெளியாகும் முன்பே, ஆப் டெவலப்பர்கள் தங்கள் செயலிகளைப் பரிசோதித்துப் பார்க்க இந்தத் திட்டம் பெரிதும் உதவும்.
புதிய ஹைப்பர்ஓஎஸ் அப்டேட் (HyperOS 3.3 update)
இந்த புதிய ஆண்ட்ராய்டு 17 இயங்குதளமானது, சியோமியின் பிரத்யேக யூசர் இன்டர்ஃபேஸான புதிய ஹைப்பர்ஓஎஸ் 3.3 (HyperOS 3.3) வெர்ஷனுடன் இணைந்து சிறப்பாகச் செயல்படும் படி வடிவமைக்கப்பட்டுள்ளது. இந்த அப்டேட்டைப் பெறுவதற்கு முன்பு, பயனர்கள் தங்கள் போனில் குறிப்பிட்ட சில லேட்டஸ்ட் ஹைப்பர்ஓஎஸ் செக்யூரிட்டி பேட்ச் வெர்ஷனை (Security patch versions) அப்டேட் செய்திருக்க வேண்டியது அவசியம்.
இதை இன்ஸ்டால் செய்யலாமா? (Installation risks and backup)
இது டெவலப்பர்களுக்கான ஆரம்பக்கட்ட பீட்டா வெர்ஷன் (Early beta phase) என்பதால், போனில் சில பக்ஸ் (Bugs) மற்றும் ஸ்டெபிலிட்டி பிரச்சனைகள் வர அதிக வாய்ப்புள்ளது. எனவே, இதை அன்றாடப் பயன்பாட்டிற்கு (Daily use) இன்ஸ்டால் செய்ய வேண்டாம் என சியோமி நிறுவனம் கடுமையாக எச்சரித்துள்ளது. மேலும், இந்த அப்டேட்டை போனில் மேனுவலாக ஃப்ளாஷ் (Manual flash) செய்யும் போது, போனில் உள்ள அனைத்து டேட்டாவுமே முழுமையாக அழிந்துவிடும். ஆகையால், அப்டேட் செய்வதற்கு முன்பாக கட்டாயம் ஃபுல் டேட்டா பேக்கப் (Full data backup) எடுத்துக்கொள்வது மிக மிக அவசியம்.
எப்படி டவுன்லோட் செய்வது? (How to download Android 17 preview)
தகுதியான சியோமி போன் யூசர்கள், நிறுவனத்தின் அதிகாரப்பூர்வ தளத்தில் இருந்து இதற்கான ROM ஃபைலை (ROM upgrade zip file) டவுன்லோட் செய்து, ஃபைல் மேனேஜரில் சேமிக்க வேண்டும். பின்னர் செட்டிங்ஸ் சென்று, அபௌட் போன் (About phone) பகுதியில் உள்ள ஹைப்பர்ஓஎஸ் லோகோவை 10 முறை தொடர்ந்து கிளிக் செய்ய வேண்டும். அதன்பிறகு திரையின் ஓரத்தில் உள்ள மூன்று புள்ளிகளைக் கிளிக் செய்து, டவுன்லோட் செய்த ROM ஃபைலைத் தேர்ந்தெடுத்து (Choose update package) இந்த புதிய ஆண்ட்ராய்டு 17-ஐ அப்டேட் செய்துகொள்ளலாம்.
