பழைய mAadhaar ஆப் க்ளோஸ்.. புதிய ஆப் செட்டப் செய்வது எப்படி?

பழைய mAadhaar ஆப் க்ளோஸ்.. புதிய ஆப் செட்டப் செய்வது எப்படி?: இந்தியாவில் உள்ள ஒவ்வொரு குடிமகனுக்கும் மிக முக்கியமான முதன்மை அடையாள ஆவணமாக ஆதார் கார்டு விளங்கி வருகிறது. இந்த ஆதார் சேவைகளை மக்கள் தங்களது மொபைல் போன் மூலமாகவே டிஜிட்டல் வடிவில் எளிதாகப் பயன்படுத்தும் பொருட்டு, இந்திய தனித்துவ அடையாள ஆணையம் (UIDAI) ஏற்கனவே 'mAadhaar' என்ற மொபைல் செயலியை வழங்கி வந்தது.

பழைய mAadhaar ஆப் க்ளோஸ்.. புதிய ஆப் செட்டப் செய்வது எப்படி?

இந்நிலையில், தற்போதைய அதிநவீன தொழில்நுட்ப மாற்றங்களுக்கு ஏற்ப, பழைய பழைய mAadhaar ஆப்பை முழுமையாக முடக்கிவிட்டு, அதற்குப் பதிலாக முற்றிலும் புதிய பொலிவுடன் கூடிய புதிய ஆதார் செயலியை (New Aadhaar App) கூகுள் பிளே ஸ்டோர் மற்றும் ஆப்பிள் ஆப் ஸ்டோரில் UIDAI அதிகாரப்பூர்வமாக அறிமுகம் செய்துள்ளது.

பழைய ஆப் இனி வேலை செய்யாது என்பதால், பொதுமக்கள் அனைவரும் இந்த புதிய செயலியை உடனே இன்ஸ்டால் செய்து தங்களது கணக்கை ஆக்டிவேட் செய்வது கட்டாயமாகும். இந்த புதிய செயலியில் உள்ள சிறப்பம்சங்கள் என்னென்ன, இதனை உங்களது மொபைலில் எப்படிச் சரியாக செட்டப் செய்து ஆக்டிவேட் செய்வது என்பது குறித்த துல்லியமான வழிகாட்டுதலைத் தொடர்ந்து கீழே விரிவாகப் பார்க்கலாம்.

New Aadhaar App Features

புதிய ஆதார் ஆப் முக்கிய சிறப்பம்சங்கள்: பழைய ஆப்பில் இருந்த பாதுகாப்பு குறைபாடுகள் மற்றும் தொழில்நுட்பக் கோளாறுகளைக் களைந்து, இந்த புதிய செயலியைப் பல அடுக்கு பாதுகாப்பு வசதிகளுடன் UIDAI வடிவமைத்துள்ளது. இதில் உங்களது டிஜிட்டல் ஆதார் கார்டைப் பாதுகாப்பாகப் பதிவிறக்கம் செய்து, அசல் கார்டு இல்லாமலேயே எங்கு வேண்டுமானாலும் அடையாளச் சான்றாகப் பயன்படுத்திக் கொள்ள முடியும்.

மேலும், பயோமெட்ரிக் லாக் மற்றும் அன்லாக் வசதி (Biometric Lock/Unlock), க்யூஆர் கோடு ஸ்கேனர் (QR Code Scanner), ஆஃப்லைன் இ-ஆதார் டவுன்லோடு போன்ற பல அத்தியாவசிய சேவைகளும் இதில் ஒரே இடத்தில் கொடுக்கப்பட்டுள்ளன. அதுமட்டுமின்றி, உங்களது ஆதார் கார்டில் ஏதேனும் மாற்றங்கள் செய்ய வேண்டும் என்றால், அதற்கான ஆன்லைன் அப்டேட் ஸ்டேட்டஸையும் இந்த ஆப் மூலமாகவே மிக எளிதாகக் கண்காணித்துக் கொள்ளலாம்.

இதுவும் படியுங்கள்: இனி 3 நாட்கள் சார்ஜ் கவலை இல்லை.. 8000mAh டைட்டன் பேட்டரி.. ஜூன் 10-ல் கன்பார்மா வருது புது realme 5ஜி போன்!

How to Setup New Aadhaar Account

புதிய ஆதார் கணக்கை மொபைலில் செட்டப் செய்யும் எளிய வழிமுறைகள்:

• முதலிடமாக, உங்களது ஆண்ட்ராய்டு அல்லது ஐபோனில் உள்ள பிளே ஸ்டோர் அல்லது ஆப் ஸ்டோர்க்குச் சென்று "Aadhaar" (UIDAI உருவாக்கிய அதிகாரப்பூர்வ ஆப்) என்று டைப் செய்து புதிய செயலியைப் பதிவிறக்கம் செய்து இன்ஸ்டால் செய்து கொள்ளுங்கள்.
• ஆப்பை ஓபன் செய்தவுடன் கேட்கப்படும் அனுமதிகளுக்கு (Permissions) 'Allow' கொடுத்துவிட்டு, உங்களது வசதிக்கு ஏற்ப தமிழ் அல்லது ஆங்கில மொழியைத் தேர்ந்தெடுத்துக் கொள்ளுங்கள்.
• அதன் பின்னர், உங்களது ஆதார் கார்டுடன் இணைக்கப்பட்ட தற்போதைய மொபைல் எண்களை (Registered Mobile Number) உள்ளிட்டு, 'நெக்ஸ்ட்' பட்டனைக் கிளிக் செய்ய வேண்டும்.
• இப்போது உங்களது மொபைல் எண்ணிற்கு வரும் ரகசிய இலக்க ஓடிபி (OTP) எண்களைச் சரியாக உள்ளிட்டு கணக்கை வெரிஃபை செய்து கொள்ளுங்கள்.
• அடுத்ததாக, செயலியைப் பாதுகாப்பாகப் பயன்படுத்த 4 இலக்கப் பாதுகாப்பு பின் நம்பரை (4-Digit Security PIN) நீங்களாகவே உருவாக்கி செட்டப் செய்து கொள்ள வேண்டும்.

How to Activate New Aadhaar Profile

புதிய ஆதார் ப்ரொஃபைலை ஆக்டிவேட் செய்யும் முறை: கணக்கை செட்டப் செய்த பிறகு, ஆப்பின் முகப்பு பக்கத்தில் உள்ள "Register My Aadhaar" என்ற ஆப்ஷனைக் கிளிக் செய்ய வேண்டும். அங்கு உங்களது தனிப்பட்ட ஆதார் எண்களைத் துல்லியமாக உள்ளிட்டு, திரையில் தோன்றும் கேப்ட்சா (Captcha) குறியீட்டையும் சரியாக டைப் செய்து 'Request OTP' கொடுக்க வேண்டும்.

இப்போது உங்களது பதிவு செய்யப்பட்ட மொபைல் எண்ணிற்கு மீண்டும் ஒரு இறுதி ஓடிபி வரும். அதை உள்ளிட்டுக் கணக்கை உறுதி செய்தவுடன், உங்களது டிஜிட்டல் ஆதார் கார்டு ப்ரொஃபைல் அந்த புதிய செயலியில் பக்காவாக ஆக்டிவேட் ஆகிவிடும். இனி எப்போது வேண்டுமானாலும் இந்த டிஜிட்டல் கார்டை உங்களது அதிகாரப்பூர்வ தேவைக்குத் தாராளமாகப் பயன்படுத்திக் கொள்ளலாம்.