Poco C95 Pro 4G: பட்ஜெட் விலையில் புது போன்! IMDA சான்றிதழ் பெற்றது!

Poco C95 Pro 4G: போக்கோ (Poco) நிறுவனம் தனது புகழ்பெற்ற சி-சீரிஸ் (C-series) வரிசையில் புதிய ஸ்மார்ட்போன் ஒன்றை அறிமுகம் செய்யத் தீவிரமாகத் தயாராகி வருகிறது. இந்த நிலையில், இன்னும் அதிகாரப்பூர்வமாக அறிவிக்கப்படாத போக்கோவின் புதிய ஸ்மார்ட்போன் ஒன்று சர்வதேச சான்றிதழ் தளத்தில் கண்டுபிடிக்கப்பட்டுள்ளது.

சிங்கப்பூரின் தகவல் தொடர்பு ஊடக மேம்பாட்டு வாரியத்தின் (IMDA) தளத்தில் 2606FPC72Y என்ற மாடல் எண்ணுடன் இந்த ஸ்மார்ட்போன் இடம்பெற்றுள்ளது. இந்த மாடல் எண் முன்பு ஜிஎஸ்எம்ஏ (GSMA) தரவுத்தளத்தில் போக்கோ சி95 புரோ 4ஜி (Poco C95 Pro 4G) என்ற பெயருடன் பதிவு செய்யப்பட்டிருந்தது குறிப்பிடத்தகது.

இதுவும் படியுங்கள்: ஜியோவை முந்திய ஏர்டெல்! டிராய் (TRAI) ஜூன் 2026 அதிரடி ரிப்போர்ட்! 

Poco C95 Pro 4G Specifications

போக்கோ சி95 புரோ 4ஜி அம்சங்கள்: ஐஎம்டிஏ (IMDA) சான்றிதழ் பட்டியலில் இந்த போனின் முக்கிய இணைப்பு வசதிகள் உறுதி செய்யப்பட்டுள்ளன. இதில் புளூடூத் வசதி (Bluetooth), வைஃபை ஆதரவு (Wi-Fi) மற்றும் என்ஃஎப்சி வசதி (NFC Connectivity) ஆகியவை வழங்கப்படுவது உறுதியாகியுள்ளது.

கூடுதலாக, இந்த ஸ்மார்ட்போன் ரெட்மி 17 4ஜி (Redmi 17 4G) போனின் மறுபெயரிடப்பட்ட பதிப்பாக (Rebadged Version) சந்தைக்கு வர வாய்ப்புள்ளதாகத் தகவல்கள் தெரிவிக்கின்றன. ஏனெனில் இவ்விரு போன்களின் மாடல் எண்களும் ஒன்றுடன் ஒன்று மிகவும் ஒத்துப்போகின்றன.

இதுவும் படியுங்கள்: REDMI K100 Pro: 8580mAh பேட்டரி உடன் மாஸ் போன்!

Poco C95 Pro 4G Processor & Features

போக்கோ சி95 புரோ 4ஜி பிராஸசர்: இந்த புதிய ஸ்மார்ட்போனில் குவால்காம் நிறுவனத்தின் சக்திவாய்ந்த ஸ்னாப்டிராகன் 6எஸ் 4ஜி ஜென் 2 சிப்செட் (Snapdragon 6s 4G Gen 2 Processor) பொருத்தப்பட அதிக வாய்ப்புள்ளது. தினசரி பயன்பாடுகளுக்கும், மல்டிடாஸ்கிங் பணிகளுக்கும் ஏற்ற வகையில் இந்த பிராஸசர் மிகச் சிறந்த ஆற்றலை வழங்கும்.

மேலும், இதில் பெரிய எச்டி பிளஸ் டிஸ்பிளே (HD+ Display), 50 மெகாபிக்சல் முதன்மை கேமரா (50MP Primary Camera) மற்றும் நீண்ட நேரம் உழைக்கக்கூடிய திறன்மிக்க பேட்டரி (Long Lasting Battery) ஆகியவை இடம்பெறலாம் என எதிர்பார்க்கப்படுகிறது. 4ஜி சேவையை விரும்பும் பயனர்களுக்கு இது ஒரு சிறந்த தேர்வாக அமையும்.

இதுவும் படியுங்கள்: Moto G37 Power: பிளிப்கார்ட் சேலில் மாஸ் ஆஃபர்!

Poco C95 Pro 4G Price & Launch

போக்கோ சி95 புரோ 4ஜி விலை மற்றும் அறிமுகம்: சிங்கப்பூர் சான்றிதழ் தளத்தில் வெளிவந்துள்ளதால், இந்த பிளாக்ஷிப் அம்சங்கள் கொண்ட பட்ஜெட் போன் விரைவில் உலகளாவிய சந்தையில் விற்பனைக்கு வரும் என எதிர்பார்க்கப்படுகிறது.

இந்திய மதிப்பில் தோராயமாக ரூ.10,000 முதல் ரூ.12,000 வரையிலான பட்ஜெட் விலையில் (Budget Price) இந்த ஸ்மார்ட்போன் அறிமுகமாக வாய்ப்புள்ளது. அடுத்தடுத்த வாரங்களில் இந்த போனின் அதிகாரப்பூர்வ அறிமுக தேதி மற்றும் கூடுதல் விவரங்கள் வெளியாகும்.